LEM’AYA DIDÎY

LEM’AYA DIDÎY

¹سْمِ اللّهِ الرّحْمنِ الرّحِيمِ
²{ اِذْنَادٰي رَبَّهُ اَنّي مَسَّنِيَ الضُّرُّ وَاَنْتَ اَرْحَمُ الرَّاحِمينَ

       No munacatê qe’hremanê sebrî Hz. Eyyûb ‘Aleyhîsselamî hem cerribîyayeo, hem jî tesîrkaro. Laberê qando ki ayetira gêrîyao, gereg ki ma munacatdê xwu di vajê;

³رَبِّ اِنّ۪ي مَسَّنِيَ الضُّرُّ وَاَنْتَ اَرْحَمُ الرَّاحِم۪ينَ

       Merselaya Hz. Eyyûbîya namdari bi kilmaneya naya:

Goreo ki Hz. Eyyûb xeylên zeman epey kul û dirbetan mîyan di mendo, qando ki şik[4]ê mukafatdê cîyê bolî bîyo, xwurê bi sebrêndo raveya te’hemmûl kerdo û vinderdo. Dima key ki kermê ki kul û dirbetandê cira peyda benê û resenê cadê qelb û zuwandê ciyê zîkrî û me’hrîfetî, wexta vîneno ki zirar do wezîfedê cîyê îbadetî reso, sirf qandê aresîyayîşdê xwu nê, beno ki qandê ubûdîyetdê îlahî destan werzaneno û vano: ‘’Ya Rebbî! Zirar resa mi, oyo bi zuwanîya zirar dano zîkîrdê mi ew bi qelbîya jî zirar dano ubûdîyetdê mi’’ Cenabo Heq jî, ê munacatê cîyê xalîsî û safî û bêne’hfet[5]î û qandê lîllahî bi şiklêndo harîqaya qebûl keno, cirê şîfayê xwuyê raveyî îhsan keno, mer’hemetanê xwuyê babet babetan[6] mojneno, nano ci vera. Îşte na Lem’a di ‘’Panc Nukte[7]y’’ estê.

[1] Bi namedê Ellahdê Re’hmanî û Re’hîmî’ya.

[2] Eyyûbî bîya xwu vîrî: Rebbdê xwu vero geyra bî û vat bî: Zirar raştikî guna miro, ti mer’hemetkarê mer’hemetkaranê tewro raveyê(Sûreya Enbîya, 83).

[3] ‘’Ya Rebbî! Zirar raştikî(raştan raşt) guna miro, ti mer’hemetkarê mer’hemetkaranê tewro raveyê.’’

[4] Şik bîyayeni: Fikirîyayeni.

[5] Bêmenfe’et. Çîyo ki, keso ki tey menfeetên çinîyo, sirf qandê rayda Ellah’îyo.

[6] Babet babet: Çeşît çeşît.

[7] Nukte:Me’hneo ğorî, manîdareya raveyi.

tadok:Şaban ŞENATEŞ