‘Edaletê Ellahî

                                         ‘Edaletê Ellahî

                                                                             Recep YİĞİTBAY

Merdimê yeno Hz musay heti vano:

-Ya Musa  mirê ziwanê heywanan bimusni,ez ziwan dê heywanan ra fahm bikera.Ez qisan dê înan ra xwo rê ders gêna/hewadana û bena însanên do hewli.

Hz Musa’ y vato şo boynî kar dê xwo, no halê to torê diha xeyr ro.Barêk  ti nêşenê  hewadê,ê barî bin mekewi.Merdekî goştareya Hz Musa’y nêkerdi û rînaser/israr kerd.

-Va ya Musa   ’’ qe nêbo ez ziwandê kutikê xwo yê verdê kêverî ra û ziwandê dîkdê xwo ra fahm kera.’’

-Netîce Hz Musay duay kerdî  û merdek jî bi kêfa şî keyedê  xwo.

Meşterê ci hîzmetkara keyî  qandê sêparî şal rakerdi nan rona letê nanî/verê nan guna war ro û lerîbî şî dîkî ver,dîkî bi nequri da xwoya no nan groti û eşt xwo feki.

Kutikê keyî hema lawa dîkî ser va dîko, ‘’no ê to bî,bê nanî  bi xele û cewa zî  pîzê xwo şenê mirdi kerê.Ti çirê erzîyaya rizqdê mi ser to rizqê mi verdi’’.

Dîkî va :’’ Kutiko bira ,ti bê qaxu bi,meşt herê wahîr dê ma do bimiro, ti pîzê xwo bi e ya   weşi kenê  mirdi.Merdekî senî  nê qisey aşnawitî hema herê xwo berdi mazat û roti.Meşt fîna  şî dîkî û kutîkî heti goşna ci ser  va hele eyê sevanê.

Dî qutiko dîkî ra gazincêno ‘’kanî to va meşti her do bimiro.’’

Dîkî va ‘’ Her cana di merdi,çîyê nêbeno meşt estor do bimiro ti xorê  ay mîrdîya xo  wenê.’’

Merdekî meşterî hema a jî berdi roti.O xwo bi xwo vajya ziwanan dê heywana ra fehm kerdiş bol rindo,bol çîyên do nehfdar o.Meştêrî şî kutîki û dîkî heti goştreya înana kerdi.Qutik dîkî ra gazinciyayê,pira pira jî şupeyayê,nêbo no dîko zurî keno.

-Dîkî va ’’ mi zurî nêkerdê estor kerdê bimiro wahîrê ma roti.Ti nafin qe merak mek kolê wahîr dê mayê cirê tewro qedir do bimiro.Wexta jî qandê xeyrê ci şamîy do bi virazyo,ma  do kefi bikerê’’.

Merdekî senî nê qisey aşnavitî ,şî hema kolê xwo roti.

Na fini kutiki bol bîbî hêrsi,va’’ tîyê her finê zurîkenê mi qapênenê.

Dîkî va ’’ ez zurkeri nîya ew qetîna zurî nêkena.Wahîrê ma o jî rot.Labrê ey qe rind nêkerdi.Çik qeda/bela  sifte   bîyamîyê  herî,ey do  qeda u belayê wahîr dê xwo ver kewtayê.Ey o rot  bela ageyra  estor seri.Estori roti şî kolî ser,kole roti,nika bêla do bêro ci sere.Dora eya, meşti wahîrê ma do bimiro,Ma do pîzî xwo mird kerê.Senî veng şî ê merdekê bêakilî ,hema da xwo ro.Diha ok bîbî şîbî.