Meselê Ma

Mesela dîkî

Arêdok:Recep Yiğitbay

Dîk zimistanî  xo dano  peynî da punî kerga pey vano ez wihêrê dişmenîya ,xo dano  cayo germ, beno amnanî  germo na fin jî xo dano verdê punî vano namus salme nêbeno. xo dano ca do honik.

Mesela Zere jî

Zerejî ra vanê çirê lingê to hunî bîyê surî  vano vewra erdo,vanê ma ti sîyayey(amnanî) di jî dîyê.

Mesela  Dimilî û Şeytanîya

 Şeytan û dîmîlîya pîya ortaxîn kenê sera sîftî pîyaz karenê. Dimil vano serê ci torê binê ci mirê. Beno wesar pîyaz beno  kuho şeytan kêf keno  vano ‘’ox ,ox’’ mîyan ra çend bîney jî çîneno keno  etor  û bi kêfêna veno.  Vano mi dimil o oxil xapêna ,’’sere wişkê mi’’.Tayên wext şino pîyaz serra beno wişk binra kok girêdano dimil şino pîyazê xo arêdano ano keye.Şeytan bol pey kahrêno . Ser ageyrena no şino keydê  dimilî vano ma fina pîya ortaxîna çî bikarê ,xo fikirdi vano na fin ez nê dimîlî dam ro da,na fin ez ey bixapêna.Vano ma çîçî bikarê dimil vano ma misrî bikarê.Şeytan vano va bo.Nê misrî karenê şeytan vano na fin bin mirê ser torê dimlî wabo.Misrî beno gird ‘sera dano dimil şino misrîyê xo arêdano şeytan şino winêno kokti tebayê çinyo.Şeytan vano ez şira nê dimilî di lej bikra nê dimlî rê beso.No şino kê dimilî odê dimilî tengo verdêkeko ,dimlî vano  ti meymanê miné wa bêbextey nê bo şiva derg  va torê bo ,şiva kilm mirê bo.Nê bi no hesaba  verzenê pê .Şeytan ahet na hat şiva xo dano şiv yena dê saro,dimlî dano çîpan ro ey weş kuweno ey dîşî u dirnaxî ra keno,şeytanî helisneno keno ze şema.Şeytan vano ’’  bes ‘’hawo keno vano’’ ma bivjîyê tever’’ . Dimil vano va zê to bo vijênê tever dimil  şiva verdî erzeno şeytanî şiva gir xorê gêno ey na fini tevera jî mîrdîya xwo dano şeytanî ro ganê ci keno sip u sîya  çend cayan ra serê ci şikneno ,tew tayên vanê çimên ci zî vejeno.A roj ra yo dimlîyan miyan vanê lêhnehnetî bêrê çimdê şeytan dê korî ……