PÊÛMİŞÊ HÛDEYBÎYEY

PÊÛMİŞÊ HÛDEYBÎYEY

Hîcretî serra, şeş serrî ravêrdîbî.  Vilabîyayen û qebûlkerdena  Îslamî, musulmanan şên û zêdnena.  Qedûmê Muşrîkan jî şiknena bêçare verdana. ‘Herbê Xendeqî, bêçareya înan kerdbî ters û xofên ew prêsnabî zerîda înan.

Pêxemberê ma (a.s.m) jî bise’habandê xwuya, qandê ‘umrey vera Mekka’y kewnê ray.  Mekkayijî kewnên ters û xofên. Çiki vanê qey Pêxemberê ma(a.s.m) û se’habeyên ci qandê ‘herbî ameyê. Mekkayijî  Pêxemberdê marê werêameyayeni/pêûmişbîyayeni teklîf kenê.  Nê teklîfî serra Mekkayij û Musulmanan mîyandi, Pêûmişê Hûdeybîye’y vrazyeno. Goreyê Pêûmişê Hûdeybîye’y;

1-      Hurdina hetî (Mekkayij û Musulmanîy)  jewbînîya do ‘herb nêkerê.

2-      Musulmanîy, do serna Ka’be’î zîyaret bikerê.

3-      Mekkeyijanra jew musulmanbo ew şiro dexlê Medîna bo se, do fina teslîmê Mekkeyijan  bo.

4-      Musulmananra jew ageyro dîndê xwuyê verînî ew bêro Mekka, do pey di nêdeyo musulmanan.

5-      Qebîle û ezbetê ki grêdayeyê Mekka û Medîna çiçî estêse, ê jî grêdayeyê nê qeraranê.

Mekkayijî, Pêûmişê Hûdeybîye’yra bol kêfweşîy benê. Çiki;bol cira qerarî pêro heta menfeetê Mekkayijan aysayê. Labrê bê Allahî kesî vernîya xwu nêdîyê. Musulmanî jî bê’hes û bêveng goştareya Pêxemberê ma (a.s.m) kenê; zanê ki Allah û Teala Pêxemberê xwu tenîya nêverdano.