PÊXEMBERDÊ MARÊ PLANÊNDO XAYIN/BÊBEXT

PÊXEMBERDÊ MARÊ PLANÊNDO XAYIN/BÊBEXT

Faruk Çetinkaplan

 Hîcretkerdişîrê destûr vijyabî. Cayê hîcretî Medîne’bî. Qandê raywaney ‘hazirey destpey bîbî.  Musulmanîy pêpey, jewanjew yan jî kom bi kom koçê sûka Yesrîbi kerdê. Pêxemberê ma (a.s.m) qandê hîcretî, emro xusûsî pawitê. Mekkeyijanra,  kesên nêpawitê ki; musulmanîy hîcretê Medîneyi bikerê. Musulmanîy destandê înanra reyayê, şîyên sûka Medîney, no jî zordê muşrîkan şîyê, ‘hêrsê ci tewro zêdyayên.

  Medîne’di vilabîyayena Îslameteyi qandê muşrîkan tehlûkêndo girdbî.  Arêbyay pêser ew plan û da’fên viraştînîy;Pêxemberê ma(a.s.m) do bêro kiştiş! Labrê ‘Erebandi  merdim kiştiş, beno sebebê  “Da’waya Gûnî”, “Da’waya Gûnî”  jî ‘eşîran mîyandi bi serrana dewam kena. Qandê ki “Da’waya Gûnî” nêvejîyo her ezbetira  gencên do weçîneyo ew pîya hêrişê Pêxemberdê ma do bikerê. Bi no awaya ezbeta Pêxemberdê ma do nêşayê ‘heyfê xwu hewadayê. Gûnîya Pêxemberdê (a.s.m) ma do ‘erdo bimendayê.

Cebraîl (a.s.m)  na da’f û planê înanra Pêxemberê (a.s.m) ma xeberdar keno. Ba’dê na xeberi, îzinê hîcretî Allah’îra yeno. Pêxemberê ma (a.s.m) heti di, emanate Mekkeyijan estîbî.  Wahirê nê emanetan, dişmenê ci bê jî, emanetanrê xaîney/bêbextey qet’hen û bîllah nêkerdê. Qandê teslîmkesrdişê emanetan, ‘Hz. ‘Elî’yî keno wezîfedar, emanetan sero veradano. Ba’do jî muşrîkîy şîfe û guman nêkerê dîye ‘Hz. ‘Elî kewno cayandê pêxemberê ma (a.s.m).  Gencên muşrîkan çoşmeyê keyedê Pêxemberê ma (a.s.m) gînê tepîya Pêxemberê ma (a.s.m), ‘erdra lepên qûm gîno ew erzeno înan ser, ê jî a gam vernîya xwu nêvînenê, çimandê xwudi kewnê tepîya, pêxemberê ma (a.s.m) mabêndê înanra keno teber  ew şino.