RÎSALE-Î NURÎ Dİ ‘HÎKMETÊ ROJEYÊ REMEZANÎ / NUKTEYA DİDÎY

RÎSALE-Î NURÎ Dİ ‘HÎKMETÊ ROJEYÊ REMEZANÎ

NUKTEYA DİDÎY

Rojeyê Remezano mubarek, bol ‘hîkmetanra jew ‘hîkmetê ci noyo ki:

“Vajeya Siftekêni” di senîn ki amê bî vateni; ki tewlekarên mesxena padîşahênra çi ta’amîy bîyaro anverê ci fîyetên wazeno. Her ‘hal û kar di tewlekarîrê bexşîşen deyeno, labrê ki nê nî’metanê biqedr û qîmetan bêqîmet zen bikero ew wihêrê ci nas nêkero, senîn axmaxeyênda girda; Cenabo ‘Heqî, nî’metê xwuyê bê’hedd û ‘hesabîy rîdê ‘erdî di qandê însanan ravistê, anverdê nê nî’metan di, herûnda fîyetî şukur wazeno. Sebeb û wahirê nê nî’metan ti vanê qey tewlekârê. Ma, ê tewlekaranrê fîyetên danê, înanrê benê minnetdar. ‘Heta ‘hend miste’heq nêbê jî ma vêşinde înanrê ‘hurmet û teşekkur kenê. ‘Hal noyo ki, Mun’îmo ‘Heqîqî  ê sebebanra dereceyêndo  bê’hed û bê’hîsab, bi wesaîtdê ê nî’metana leyaqê şukurîyo. Îşte Ey’rê teşekkur kerdiş, ê nî’metan pêrini raştan raşt Ey’ra zanayiş, qedr û qîymetê nî’metan teqdîr kerdiş ew ê nîmetanrê xwu mi’htac vînayîşa beno.

Noyo ki, rojeyê Remezanê şerîfî, mifteya şukrêndê ‘heqîqî û xalîs, bi’ezemet û ‘umûmîya. Çiki, wextê bînan di (yanê bêmenga Remezanî) bol cira însanîy, çağo ki veyşaneya ‘heqîqî ‘hîs nêkerê, qedr û qîymetê nî’metan jî fahm nêkenê. Hebê merdimîy mirdîy bê ew tew ki zengînîy bê, parçeyêndê nanê wişkîra dereceyê nî’metî do fahm nêkerê. ‘Hal no ‘halo ki, wextê fitari di, o nano wişk, çimdê jew mu’mînên di nî’metê îlahîyêndo biqedr û qîmeto ki quwwe-î zaîqayê (tamê fekî) ci neyrê şahîdey keno. Padîşahîra bigî ‘heta en feqîrên, herkes Remezanê şerîfî di qedra ê nî’metan fahmkerdişa jew şukro manewî keno. Hem biroj bi qedexebîyayenda nanwerîya hetênra kes xwurê wina vano: “Ê nî’metîy milkê mi nîyê. Ez werdiş û şimitişê nînan di ‘hurri nîya. Dêmağ kî no mal û ne’hmetê jûnakîyo; eza emrê Ey pawena”  bi no awaya nî’metî nî’met zano, şukrêndo ma’newî keno. Bi no awaya roje, bol hetanra wezîfeyê însanîyo ‘heqîqî şukuro ki, roje kewno herûnida mifteya şukurî.

Tadok:Faruk Çetinkaplan