Rîsalê Nêweşan (5)

DERMANÊ ŞEŞÎ[1]: Ey nêweşo ki şikê tamdê Dinya’y beno û na nêweşînira bi izdiraba gazincêno!

            Eger ki no Dinya ‘heta bi ‘heta bîyayê û rayo merg jî çinêbîyayê ew guvîna vadê abirnayîşî û çinêbîyayîşî ma goşî nêameyê, vernîda bimûsîneti û firtineyîni di demserrê zimistanîyê manewî çinêbîyayê, zerrîya mi do jî bi toya pîya ‘haldê torê biveşayê. Leberê, madamo ki rojên Dinya do marê vajo ‘’haydên bivijîyên teber’’ ew do bi na qîrrînîda maya goşanê xwu bigîro, ‘heta ki ey ma nêqewirnayê, bêrê ma bi haydar kerdenda na nêweşîna eşq û ‘hewesandê nê Dinya’yra fek verdê. ‘Heta ki ey ma terk nêkerdê, ma qeyret kerê, ey bi qelba terk kerê. Belê, nêweşîna ma bi no me’hneya ma qurrûncî kena û marê vana: ‘’Ganê to bi sî û asinîra nîyo. Beno ki xilteyêndo bi babet babetî cisno û tim û tim jî pêra abirrîyayîşîrê musaîto. Pesnanê xwu medi, girdey verdi û ‘eczanê xwu jî bizani. Malîkê xwu bişînasni û wezîfanê xwu bizani. Bizani ti qandê çiçî ameyê bo Dinya. Qelbê toyo bi mîyanikî nînan erzeno to goşî.

            Hem madamo ki tam û zewqê Dinya’o tim nêkudên[2]o, bi xusîsîyeta eger meşrû nêbo, dewam nêkeno, beno dejîdar û guna; qando ki tîyê înan bi nêweşîna kenê vinî, mebermi. ‘Heta îbadeto manewîyo ki do bi nêweşîna bêro û torê axretda torê ne’hfîdar bo, do torê kişta axretira torê biercîyo, şikê ey bi û cira tam û zewqên bigî, neyrê qeyret biki.

[1] Binvaje: Qando ki bi sûretêndo fitrîya na lem’a amêya vîrî, ma dî ki bi namedê ‘’Dermandê Şeşî’’ya di mersley nûşîyayê, qandê fitrîyeyda ci ma ci nêveyay, ma beno ki tey sirr û ‘hîkmetên esto, ma winî verdê.    

[2] Kudîyayeni: Dewam bîyayeni, ramîyayeni. Nêkudîyayeni: dewam nêbîyayeni, nêramîyayeni.

Açarnok:Şaban Şenateş