risalê nêweşan(8)

Ana Sayfa » Genel » risalê nêweşan(8)
Paraki
dûrik : 11 Mart 2015 - 15:46

hqdefault

DERMANÊ DESÎ: Hey nêweşo ki oyo bîlaheq û bîlasebeb qağû gîno! Tîyê qağûyê graneyda nêweşînda xwu gînê. O meraq û qağûyê toyo, na nêweşîna to to sero keno grani. Eger ti qayîlê nêweşîna to to sero şeniki bo, qağû û meraq nêkerdişîrê qeyret biki. Yanê şik¹ê ne’hfan û sewabandê nêweşînan bi, vaji do rew ravêro û nînan bîya xwu vîrî; qağû û meraqî werzani, kokê nêweşînan bivîyarni².

Belê. Qağû, nêweşîni keno difinik³. Qağûyo winasîn na nêweşînda maddî bin di nêweşînênda manewî peyda keno û rişeno qelb. Dima nêweşîna maddî paştîya xwu dana na nêweşîni û kudênena. Ki kes bi teslîm bîyayîş û rîzaya qağû nêgîro, ‘hîkmetanê na nêweşîni bîyaro xwu vîrî, wexta kok û tamar û rîçeyê na nêweşîna mihîmîy birrênê, weqlayênê ew nêweşîni kesî sero bena şeniki û parênda ci şina. Bi xusûsîyeta ew bi kuşkuşîyayena jû fini diremên nêweşîna maddî, bi qağûy û meraqêndo winasîna bena des diremîy û zeyîdêna. Laberê bi birrîyayîşdê qağû û nê meraqîya des paranra new parê ci werzenê.

Qağû senîn ki nêweşîni zeyîdneno, winî jî qando ki nêweş bi qisan û fêldê xwuya ‘hîkmetanê îlahî keno sûjdar, lingi dano ne’hmetandê îlahîro ew Xaliqdê Re’hîmî’ra beno lebayok, cora bi nê posenandê xwuyê neheqana koteki weno, nêweşîna ci ci sero zeyîdêna û bena grani. Belê. Senîn ki şukur ne’hmetan zeyîdneno, winî jî gerre û lebayeni nêweşînan û mûsîbetan azirnena û kena vêşî.

Hem qağûyê nêweşîni bixwu jî babetên nêweşînêna. Dermanê ci, ‘hîkmetanê nêweşînan zanayîşo. Madamo ki to ‘hîkmet û ne’hfê ci fe’hm kerdo, ê melhemî ê qağuyra sawi û cira bireyî. Herûnda ‘’ax’’î di vaji ‘’ox’’, herûnda ‘’çi ‘heyfo ki’’ di jî vaji ‘’el’hemdulîllahî ‘ela kullî ‘hal[4]’’.

[1] Şik: Fikirîyayeni, aqil ser berdeni, hewadayen û ronayena çîyan.

[2] Kokê nêweşînan bivîyarni: Nêweşînan biqedîno, rîçan û tamaranê neweşînan veji, bivêrnê, bivîyarni.

[3] Difinik: Difine, dibare, dicare, diqat, mukerrer. Çîyo ki, keso ki jew bîyo û dima bi şiklêna bîyo diqat.

[4] Hergi ‘halîrê Ellah’îrê şukur bo. (Tîrmîzî, De’awat, 128. îbnî Mâce, Muqaddîme, 23; Musned, 3/239)

Zeliqokîy :zazaki ,

Şîrove Biki:

Name û peyname
Edresê e- postay
Şîroveyê to:

Şîrovey:

şaban şenateş
11 Mart 2015 - 17:07

Kanî Dermanê Newî?

reqlamê maldanan

nûşteyê ki ci manenê

MEKTUBA DIWÊSINI RA

MEKTUBA DIWÊSINI RA * Birarê minê ‘ezîzî, ……… PERSA ŞIMA YA SIFTEKÊNI: Ḥîkmetê ci çî yo ke Hezretê Adem (‘e.s.) Cenet ra ameyo

Mektûba Vîst û Newî (4)

NUKTEYA ÇE′HARÎ NUKTEYA ÇEHARÎ Vajerda Vîst û Pancî di îspat bîyo ki açarnayîş[1]ê Qur’andê Hekîmîyo heqîqî qebûl nêbeno. Hem,

MEKTÛBA VÎST Û NEWÎ(3)

NUKTEYA HÎRÊY Xurûfê Muqata′ay[1]ê ki seredê sûran dê, hergi jewênda ci şîfreyêndo îlahî yo; ′evdandê xwuyê xasan rê îşaretêndo


Hit Counter provided by laptop reviews