Bacoya Alanqozi

Bi pancés serre,kerd veyv
Amé vist,bi sékur ,piyek merd
Mérde sékür ,a sékür kaşé Alanqozi
Ban çinnébi va ma ban vırazé
Bı vırara si kırişti miyane bi seqet
Cı ré né bani ra fıtıqé miyani mend
Ban kerrandés bi va ma bıdawé
Dawıtenda herra sıpéra cı ré
Qülla qesper mend
Rojé ban veşa dewan ra asa
May va, hevar bané ké veşa?
Nézana qıl ké keyner ra verışt
Ké keyneracı veşa
Ban veşa mendi cılda siyar ser
Ok Ellay dabi sebré quliyo
Alanqoz koyi kaşibi
Pize mırd nékerd ,kewti xurbetey
Bı bursaya vıjyay
Xeribey çetın karé şari çetın
Béqeçey bari ser bar bi ,béqeçey çetın!
Gencey şi,pirey amé nezdi
Néweşiya xo gencey ra ardibi
Cıser bigıran,cıré kerd tehda
Kışté ra névıjyayé boy kıştéra tewayé miyané
‘Emır hüni şi gencey qediné
Merde bi néweş,qergun şi rehmet
A zi tenya mend wıhéré békesa Ellah
Bıra kerd cıré embaz,cı ré bi dest u doşi
Ban vıraşti bıray,fınna bi sukıj
Bacoya Alanqozi bibi neneya sukıj
Tam nédibi genceydı tayén suktı di
Çend dariy hewşé xo dı karıti bi
Roji kalan u awdana ravérnay
Bı no hesaba qedinay pancés serri
Gencey dı tam nédibi, pireydı huwyé
Ey zi bol néramıt néweşiya xırab fek eştcı
Meramé Ellay bi baco sero ,ma se keré
Néşa lingi xo verşano ,lingi bi qutiy
Doş biyé çoşmé bandé xo
Kewt cayan kewt destan bi mıhtacé insana
Bi zé qeçan,Ellay dabi,ay zi sebır kerd
Boya xo teng né kerd tım tevekül kerd
Dayış eyra gırotış eyra
Sebır bıdı maré Rebbé ma


Hit Counter provided by laptop reviews