SOMA!

SOMA!
Soma!
Ti kendalî bin di menda
Kendal û şewate guna toro
Qeç û qûl bê may û pî mend
Qîrrînî vijîyê ta azmînî ser
Nika rîyê to ğazilîra sîya
Ê Îhmalkaran bêtedbîreyra
Ti finên bîya bextsîya
Îhmalkarîy ‘hezar fini
Ti finên kendalî bin di menda
Îhmalkarîy mendîy tim û tim.
Qederê to do qey rojên şiro vîra
Laberê,
Ê gunakaran do bimano ‘heta bi ‘heta
Soma!
To ewlad û qesba kerdi vinî
Îhmalkaran û bêwîjdîyanan axreti
Soma!
Ti şew û roj gurweyaya
Tayênanê to grot ‘hezar û di sey
Tayênanê to ‘hezar ‘heşt sey
La ki pîlanê to bi gengazeya
Kerd xwu lepan mîyan des û hîrê ‘hezarî
Soma!
Ma çimanê înan somande vet bî!
Ma betera înan vijîyê bî!
Ma qe înan nêdî bî û cira nêasa bî?
Soma!
Ağba to bi boka ğazilkarandê bînan nêbo
Ellah aqilî bîyaro pîlan ‘seredi ki
Olayî dibarê nêbo û şima sero dibarê nêro
Soma, mi hewna şayê bol çî vajo
Hema ewro roja ci nîya, roji roja graneya
Şenikey kar nêkena, însanan dana pêro
Graneya lazima, kelecanî kerdiş taw nîyo
Soma!
Mi na weşbesta torê nûşnê
Kaşka ne ti bikewtayê no ‘hal
Ne jî mi na weşbesta binûşnayê
Soma!
Seserri ravêro grey û dirbeta to
Zerrî û zerbeta to darî nêbena
15. 05. 2014
SUWÊREK’İ
Şaban ŞENATEŞ