Welatê ‘Hukimdarêndê ‘Adîlî

 Welatê ‘Hukimdarêndê ‘Adîlî

Muslumanîy, eskencedê muşrîkê Mekkeyijanra amey bî hetanî qirik. Pêxemberê ma qerar dano ki es’habanê xwu birişo ‘Hebeşîstan. Çiki pêxemberê ma zanayê ki hukumdarê ‘Hebeşîstanî whêr’edaleto, nameyê nê ’hukumdarî jî Necaşîyo.  Keyna pêxemberê ma ew mêrdeyê ci Osman b. Affan bi çendna imbazandê xwuya bi nimitîna kewnê ray şinê welatê Necaşî’yî. Nê koçî serra, heştay û jû se’habe kewnê ray, ê jî xwu erzenê welatê Necaşî’yî.

Labrê muşrîkê Mekkayija, nêwaştê ki muslumanîy dînê xwu bire’heteya bicoyê, boyênda re’het bigîrê. Muşrîkîy çend merdimê xwuyê rîsipeyîy rişenê Necaşîrê ki, Necaşî înan welatê xwura vejo teber. Necaşî, hurna hetan jî goştarey keno tepîya qerarê xwu dano. Nê qerarîdi;

1-      Muslumanîy, naya tepîya hîmayedê Necaşî’dê.

2-      Muslumanîy, çend wazenê jî şenê ‘Hebeşîstanî’di bimanê.

3-      Muslumanîy, îcabê dînê Îslameteyi çi îbadet estose şenê biyarê ca, serbestyê.

Muşrîkê Mekkeyijîy destveng ageyrenê labrê adirê kîn û ‘hesûdeya înan dihana bena vêşî. Yanê destveng û bi kîna ageyrenê welatê xwu.         

                                                           Faruk  ÇETİNKAPLAN