WEFATÊ PÊXEMBERÊ MA

WEFATÊ PÊXEMBERÊ MA

Pêxemberê ma (a.s.m) ‘hec ra ageyra tepîya, demeyêndo kilmdi nêweş kewt ew hİrg û şîyê nêweşîni sero bîyê gran. Nêweşîni ra nêşayêki; se’haban rê îmameteyi bikero. Qandê coy ‘Hz. Ebûbekir (r.a) bi emirdê pêxemberdê maya, se’habanrê îmameteyi keno.

Çend rojî, Pêxemberê ma (a.s.m) zeki beno weş, warzeno xwu ser. Yeno mescîd ew îmameteyi keno. Bahdê nimazî se’habandê xwurê vano “’Heqê kê mi sero estose, wa bi re’heteya bêro mirê vajo ki; ez ‘heqê ci bida.” Nê so’hbetî dima, se’habey bi çimdê dinyaya   Pêxemberê ma (a.s.m) fina tewr nêvînenê.

Nêweşîna Pêxemberê ma (a.s.m) des û hîrê rojî ramena. Serran dê xwuyê şeşt û hîrini di, “Vera en dosto xasîrê….” Vano ew çimanê xwu  gîno. Muslumanîy şaş manenê, wefatkerdiş dê cira ‘emel nêkenê. Hebê se’habey xwura ravêrenê,  qîrenê  vanê “O nêmerdo….O nêmerdo…Kam vajo “O merdo”  eza bi nê şemşêrda xwuya ey bikişa. Hz. Ebû Bekir (r.a), bi nesî’hetêna se’habanrê tesellîyên dano ew înanrê na ayati waneno, “Kam ki ‘Hz. Mu’hemmed(a.s.m)î rê ‘ebdey bikerose wa bizanoki, Hz. Mu’hemmed (a.s.m) wefat kerdo. Kam ki Allah(c.c)î rê ‘ebdey bikerose, wa bizanoki O (Allah) ’Heyyo ew Baqîyo.”

Pêxemberê ma (a.s.m) 632’di ode dê ‘Hz. Aîşe (r.a)di wefat keno. Odeyê ‘Hz. Aîşa di jî defin beno.

Faruk Çetinkaplan