DEYÎREY MEŞKI

Ana Sayfa » Edebîyato Kehan » Dêrîy » DEYÎREY MEŞKI
Paraki
dûrik : 01 Haziran 2014 - 12:43

 

0d9b835b9d0cff4474f8993e59e62546cfff0ba89e025_570

DEYÎREY MEŞKI  (I)

 

Ha nîri  nîri  nîri

 

Meşkey mi meşkey kelî

Ruwen vecena lîterî

Pey qapon bi qeynterî

Ez benû sûkay Gergerî

Ez donû  çît û  çenberî

 

 

DEYÎREY MEŞKI (II)

 

Ha dewû dewû dewû

Şarî dewê xwu şewû

Roc homew  taşterewû

Meşkey mi ne kew û ne ruwewû

 

Şexmaley mi bêrîya

‘Elbey ay pede şîya

Keko Ehmed yay dîya

 

Warey mayk teyêri

Şoneyê ma ‘eyeli

Bizma leng û legeri

Kevonî bê ‘emeli

 

Ma şonê Laybey ‘Hesenî

Çerçî ruwen parsenî

Cenî xwurê tarsenî

Qul bi qul liminenî

Pey rispêney xwu kenî

 

Meşkey ma hînî bîya

Pêro ruwenê safîya

 

Meşkey ma ku nîraya

Pêrû ruwen geyraya

 

Meşkey mi meşkey  darî

Ruwen vecena barî

Ma nîrda daya şarî

Werktê serdey parî

 

Ha nîri nîri nîri

 

Meşkey mi meşkey bizi

Biza wena vaşi dizi

Derne kenê viza vizi

Waştay mi çik kirmizi

Meşkey mi meşkey tişki

Tişk wena vaşi wişki

Waştay mi qali wişki

 

Meşkey mi meşkey kargi

Karg wena vaşi magri

Waştay mi gilê dargi

 

Waştay kekdê mi gilê dargi

Wayîy bîy delevargi

 

Kekoy mi zî şonewû

Roc homew taşterewu

Bizi xwu kerdi lewewû

Çimê keyna tedewû

 

Kekoy mi lacê ‘emi

Biz kerdo dorday lemi

 

Meşkey mi ver bi koyê Şinikî

Ruwen vecena qîlikî

Barey kekoy di şînikîy.

 

 

 

Na dêra meşkan1993’di, torinê Şêx Seîdî’ra  Muhemmed DARA bi destdê xwuya teslîmi mi kerd. Mi jî bi şimaya bara kerd.

Faruk Çetikaplan

 

Zeliqokîy :zazaki

Şîrove Biki:

Name û peyname
Edresê e- postay
Şîroveyê to:

reqlamê maldanan

nûşteyê ki ci manenê

images
Dingiro

   Arêdok:Feyza Adabeyi   Dingiro  Dingir dingir dingiro  dingiro bani sero  riweno nani sero  verg bêro tişki bêro  Maya ci do sekero?

feqi
‘HESRETÊ DEWİ

‘HESRETÊ DEWİ Ez, Dîyardê tuwêrandê xwuya bîyayê, Bandê xwu sero roniştayê, Mi rêştaya xwu birêştayê, Rêştaya mi erqi resayê, Mi

550553_426577580722188_1599556789_n
‘HESRETÊ DEWİ

‘HESRETÊ DEWİ Ez, Dîyardê tuwêrandê xwuya bîyayê, Bandê xwu sero roniştayê, Mi rêştaya xwu birêştayê, Rêştaya mi erqi resayê, Mi


Hit Counter provided by laptop reviews