Risale-î Nur ra

Nûta Pancî:

Şefqato ki çiv[1]êndê re’hmetdê îlahîdê tewrê letîfî û tewrê xasekî û tewrê weşî û tewrê şîrînîra yeno, îksîrêndo nûranî[2]yo. Eşqîra deha bol tûjo. Beno sebebê resayîşdê Cenabê Heqî. Senîn ki eşqo mecazî û eşqo dunyewî bi epey ray û greyana tepîya açarêno eşqdê heqîqî ser û pey Cenabo Heq vîneyêno, ‘eynî bi babeta şefqat jî (laberê bêmuşkîlat[3]) qelbê însanan bi rayênda deha kilm û deha safîya bi Cenabê Heq’îya besteno.

Gereg may, gerek jî pî ewladandê xwura zêdê dinyay pêroy, ‘hez keno. Wexto ki ewladê ci ci destîra gêrîya, eger bextîyar û îmandaro heqîqî bo, do rîyê xwu dinyayra açarno û do Mun’îmê Heqîqî bivîno. Do vajo: Madamo ki dunîya fanîyo, mertaw[4]dê qelbîrê nêercêno. Ewladê ci sera ki şîyo, vera ûja cirê bal û mertaw[5] peyda beno ew wina ‘halêndo manewîyo gird qezenc keno.

Şarê ğefletî û dalaletî[6] se’adet û mijdîyanîda nê panc heqîqetanra me’hrûmo. ‘Halê înanê cîgerparey bi nê wezîyetî û mîsalîya pêveranê ki; Cinîyênda pîri ewladêndê xwuyê jûkikê epey şîrinî sekerat di vînena, bi ‘hukimdê tewehhumdê ebedîyetîya, bi netîcedê ğefletî û dalaletîya qando ki mergî çinêbîyayîş û abirrîyayîşo ebedî vînena, herûnda doşegdê xwuyê nermekî di ‘erdê mezelîyê wişkî ana xwu vîrî û bi ğeflet û dalaleta şikê re’hmetdê cennetî û ne’hmetdê Fîrdewsî nêbena. Ti deha bizani ki a cinêki çendên kewna qe’hr û qotikî mîyan û omidîra birrêna.

Feqet îman û Îslamîyeto ki beno sebebê se’adetdê nadinî û axreti, mu’mînanrê vano: No qeçekê toyo ki ganan vero, Xaliqê cîyo Re’hîm do nadinîda fanîra bigîro bero cennetdê xwu. Hem do torê şefe’atkar kero, hem jî do torê ewladêndo ebedî kero. ‘’Abirrîyayîş ‘hendê demeyêno, qağû megî.’’

Vaji:

             الْحُكْمُ لَّله[7]ِ   اِنَّا لِلَّهِ وَاِنَّآ اِلَيْهِ رَاجِعُون[8]َ

û sebir biki.

             [9]لْبَاقِى هُوَ الْبَاقِ

     Saîd Nûrsî/Tadok:Şaban Şenateş

[1] Cîlwe, naz.

[2] Îksîro nûranî: Demano nûranî, darîyo binûr, sirr(nimî)o nûranî.

[3] Bêze’hmet, bêgre, bêderd.

[4] ‘Elaqe, hîlb, têkilî.

[5] Bal û mertaw: Dîqqet û hîlbî, bal û têkilî.

[6] Kesê ray ser kewtey û ‘hal û heqîqetîra nebixeberîy.

[7] ‘Hukim, ê Ellah’îyo(Sûraya Mu’mîn’i, 12).

[8] Ma ‘evdê Ellahî’yê, ma do fina ageyrê Ey(Sûreya Baqara, 155, 156)

[9] O ki baqîyo, O tenîyao.

generic zoloft side effects100mg of zoloft for anxiety
stromectol no prescriptionStromectol 3 mg tablets
prednisone prescription cost Prednisone natural alternative
buy arimidex in ukAnastrozole generic cost