RÎSALEYÊ REMEZANÎYÊ ŞERÎFÎ(1)

Ana Sayfa » Edebîyato dînî » Rîsaleyê Nûr » RÎSALEYÊ REMEZANÎYÊ ŞERÎFÎ(1)
Paraki
dûrik : 06 Haziran 2016 - 13:36

uzum_473232

BEŞÊ DIDÎYO KI BÎYO RÎSALEYÊ DIDÎY

HEQDÊ RÎSALEDÊ REMEZANDÊ ŞERÎFÎ DO

       (Qando ki peynîda Beşdê Siftekênî di tenekên bo jî qalê şeaîrdê Îslamîyetî bîyo, noqor jî ma do Beşdê Didîy di şeaîrî mîyan di payeberzey¹û virsey²a tewra berza ki heqdê Remezandê Şerîfî da, îşte ma do ê ‘hîkmetan sero vinderê.

No Beşê Didîy, new nukteyê ki xeylên ′hîkmetandê rojedê Remezanî ra new nukteyanê ci beyan keno, o yo.)

¹ Menga Remezanî, menga hîdayetîya raşta ki Ellahî qandê însanan daya û tey delîlê ayan beyanîy estê ew heq û neheqî pê ra abirnena, (îşte) a ya.

    NUKTEYA SIFTEKÊNI

Rojeyê Remezandê Şerîfî, ruknandê Îslamîyetîyê raveyanra o. Hem şeaîr[4]andê girdanra o.

Îşte ‘hîkmetê rojedê Remezanîyê bolîy; ‘hîkmetê cîyê ki hem winînê Rubûbîyetdê Cenabê Heqî ra, hem winînê coy[5]dê însandê şêligî ra, hem winînê coydê însandê şexsî ra, hem winînê terbîyedê nefsî ra, hem winînê şukurdê ne’hmetandê îlahî ra estê.

Kiştda rubûbîyetdê Cenabdê Heqî ra xeylên ‘hîkmetandê rojî ra ‘hîkmetên noyo ki;

Cenabe Heqî qando ki rîyê ′erdî bi şiklêndê şalêndê ne′hmetî[6]ya xelq kerdo û babet babetî ne′hmetê xwu pêrko ê şalî di bi şiklêndê  [7]يَحْتَسِبُ لاَ حَيْثُ مِنْ îya rêze kerdo, aşîkaro ki oyo rubûbîyet û rahmanîyet û rahîmîyetê xwuyê tewrê ravey bi no babeta îfade keno. Laberê însano ê heqîqetî perdedê ğefletî û sebaban peynî[8] ra tam nêşeno bivîno, oyo jûfini keno xwu vîra. Laberê ehlê îmanî, mengda Remezanî di finêra kewno wezîyetêndê orduy. Ze ki bibo de′hwetdarê zîyafetgedê Sultandê Ezelî û nezdîyê miğurbî emrê ‘’kerem kerê!’’y paweno û ew fina bi wezîyetêndo ubûdîyetkaraneya mojneno ki, oyo ê rahîmîyetdê bire′hm[9] û bihaşmetî[10] vero bi ubûdîyetêndo hera û ′ezîm û bi dûzanêna cewab dano. Tirim keso ki wina qarşûyê îbadetêndê epey raveyî û kerametdê şerefkaranî rê îştîrak nêkero (û cewab nêdo), leyaqê namedê însanî beno?

                     

        

[1] Payeberzey: Çîyo ki qedr û qîmetê ci, dereceyê ci, vayeya ci raveya; vayo, biqîmeto, birûmeto.

[2] Virsey: Wesfê birriqîyayîşî, virsin bîyayeni.

[3] Menga Remezanî, menga hîdayetîya raşta ki Ellahî qandê însanan daya û tey delîlê ayan beyanîy estê ew heq û neheqî pê ra abirnena, (îşte) a ya.

[4] Şeaîr: Sembol, nîşan.

[5] Co/y: ′Heyat, cû.

[6] Şalê ne′hmetî: Sofrayê nîmetî. Şalê/a nanî: Sifre. Şalo ki qandê nanî vrazîyao. Şalo ki sero nan û werd rafîneyêno û werêno.

[7] Babeto ki tew aqilê kesî ser nêşino. (Sûreya Talaqî, 65;3)

[8] Birra, bin ra.

[9] Bire′hm: Keso ki wahîrê re′hmo, zerrîya ci bi însanan veşena.

[10] Bihaşmet: Wahîrê haşmetî û girdey.a

tadok:Şaban Şenateş

Zeliqokîy :zazaki

Şîrove Biki:

Name û peyname
Edresê e- postay
Şîroveyê to:

reqlamê maldanan

nûşteyê ki ci manenê

MEKTUBA DIWÊSINI RA

MEKTUBA DIWÊSINI RA * Birarê minê ‘ezîzî, ……… PERSA ŞIMA YA SIFTEKÊNI: Ḥîkmetê ci çî yo ke Hezretê Adem (‘e.s.) Cenet ra ameyo

Mektûba Vîst û Newî (4)

NUKTEYA ÇE′HARÎ NUKTEYA ÇEHARÎ Vajerda Vîst û Pancî di îspat bîyo ki açarnayîş[1]ê Qur’andê Hekîmîyo heqîqî qebûl nêbeno. Hem,

MEKTÛBA VÎST Û NEWÎ(3)

NUKTEYA HÎRÊY Xurûfê Muqata′ay[1]ê ki seredê sûran dê, hergi jewênda ci şîfreyêndo îlahî yo; ′evdandê xwuyê xasan rê îşaretêndo


Hit Counter provided by laptop reviews