DERMANÊ VÎST Û JEWÎ:

DERMANÊ VÎST Û JEWÎ:  Hey nêweşo bira! Nêweşînda to di dejo maddî esto. Laberê lezzetêndo manewîyo ki tesîrê ê dejê maddî bişikno, oyo to cêrancorî keno xwu virarî mîyan. Çiki şayet ki mar û pêr û merdimê to bibê, şefqat û mer’hemetê înano ki rewna to kerdo xwu vîra, do newedîla to çoşmeyo aya bo û arêbîyo pê ser; nezero şîrin û muhabbeto ki to qeçekînda xwu di dîyo, ti do fina bivînê ew dosteya çoşmedê toya ki epey mîyanikî û sergrotê menda, a do poxda cazîbedê na nêweşînira vera to muhabbetdaranê bivijîyo teber û eşkera bo. Cora dejê toyo maddî, nînan vero epey ercan maneno. Hem kesê ki to bi pesinkarane cirê xizimkarey kerda û to îltîfatê ci posa[1]o, na nêweşîni di torê mer‘hemetkarane ‘ewêzî[2] kerda, cora ti efendîyandê xwurê bîyê efendî. Hem qando ki to bi nêweşînda xwuya rîkkato cînsî[3] û şefqato newî[4] vera xwu ant, goreo ki orte di çinêbî, to dostê yarmetkar[5]îy û şefqatkarîy vînay. Hem to bi na nêweşîna xeylên kar û barandê grananra emrê paydosî fîna xwu dest, tîyê aresênê. Helbet ki derd û dejê toyo bêqîmet do to vera gazinc nê, vera şukur sewq kero.

[1] Posayeni: Waşteni, temennî kerdeni.

[2] Qarşû, bedel. Herûna ci groteni, cayê ci pirr kerdeni.

[3] Tamar û kîbareya ki kes hemcînsandê xwura ‘hez keno yan jî qedr û qîmet dano bi ci.

[4] Tamar û pîzeveşeya ki însan o ki cirao, zerrîya ci bi ci veşena.

[5] Yardimkar, hetkar.