DÎRÊ QİSEYÊ ŞEWNİMAZDÊ BERATÎ

DÎRÊ QİSEYÊ ŞEWNİMAZDÊ BERATÎ

1.    Wa barê şewnimazdê toyê Beratî ‘hezkerdiş, awa rîdê ci ‘hurmet, qewetê ci wereyamîyayîş ew sosinê ci jî weşvîney bo. Şewnimazê şimayê beratî wennûs bo.

2.    Wa jewa şima bi ‘hezar, werdê şima biberke, şimîyê şima ‘helal ew kesêndê şima nêmano zîndando heqîqî di. Şewnimazê şimayê beratî bimubarek bo.

3.    Wa ajro bido de’hwaya şima, wa awan bo wareyê şima, wa hera bo qebrê kalik û pîrikandê şima, şima berat bikerê na şewi di. Şewnimazê şimayê beratîyo emşoyên wennûs bo.

4.    Wa qelb û zerrîya şima qandê ‘hezkerdişî bikuwo, wa şik û fîkrê şima qandê serweşînda însanan bigurweyo, wa linga şima qandê aşitî û amoşî û wereyîkî bierzîyo. Şewnimazê şimayê beratî wennûs bo.

5.    Emşo destanê xwu wedarê qandê hewlîni, mewerzanê qandê zewtîni. Bikerê şên û awan, mekerê wêrane û xopan. Şewa şimaya beratî bimbareki bo.

6.    Dindanan kesî sero qîç mekerê, xebata xwu welatî sero hîç mekerê. Keda xwu bidê dost û hembaz û nezdîyandê xwu ser, wa tinê nêşiro bibo mirazîna ma û şima, hergi finî di bêro ma ser. Şewnimazê şima bimbarek bo.

7.    Ewro û meştê xwu roşnaî kerê bi Nûr’îya

Kê xwu meveşnê bi tevdokey û zûrîya

Destanê xwu akerê, recakar bê bi xulûsîya

Di’hanê xwu bişeqênê nezdî û dûrîya.

Biluwê mevinderê bireyê emşo bi beratîya

8.    Emşo azmîno abeno ‘heta peynî

Destanê xwu akerê, bikerê hergi gazî

Peynîra do nêmenê deyn û dûnî

Beratê şima bimbarek bo.

Şaban ŞENATEŞ

09/06/2014 Suwêrek’i