ez berîwanên da xaseka

Ez Berîwanên da Xaseka

 Recep Yiğitbay

ez berîwanên da xaseka

bi meşka şina bêrîya

verekê  mi virara

ez  ey xoya bena danga

 

ez berîwanên da xaseka

ez doşkara mîyerda xoya

 

ez berîwanên da xaseka

aşiqê şiwanedê çim zengîya

ez destirmaya marda xo

pesna eşîrda xoya

Ez berîwanên da xaseka

Gula  hewt mexel

Nexşa bexçan, dêra aşiqana

 

Ez berîwanên da xaseka

Mundîyaeyşfatma

 Şewatê zerrîda şiwanana

 

Ez berîwanên da xaseka

Vilika rextê koya

Boya wesarî,vayê payîzîya

 

ez berîwanên da xaseka

dêrên da qedîm

keynekên da bêsiuda

 

ez berîwanên da xaseka

awa rodê feratî

pelê behran ,tofanê nuh nebîya

 

ez berîwanên da xaseka

 estareya qurixi,

mîjdîyana payîzîya

 

ez berîwanên xaseka

vewra serîçiqdê koya ,

vilika darda vamêrana

 

ez bêrîwanên da xaseka

zerqa  şewdîrî

tînê zîmîstanîya

 

ez berîwanên da xaseka

Roşnaya keyna

Leteyê aşmîye ra