FET’HÊ MEKKA’Y

FET’HÊ  MEKKA’Y

                                                                                  Faruk Çetinkaplan

Peymanê Hudeybîye’y serra, di serrî ravêrenê. Grêdayeyê muşrîkê Mekkayijanra jew qebîleyên, bipaştîya muşrîkan hêrişê musulmanan kenê. Na wuqûati serra Mekkayijîy “Peymana Hudeybîye”y bi destê xwuya xeripnenê. Resûlullah (a.s.m) na wuqûatîrê bol qehiryeno ew nimitînira hadreya xwu keno.

Mekkayijîy sozdê xwu sero nêvinderdîbî. Ro xetayê xwu şikêr bê jî, tîri tîrkemanra finê vijyêbî. Tersayên ki musulmanîy hêrişê Mekka’y bikerê. Qandê coy Ebû Sufyan’î rişenê Medîna ki; newedîla jew peymanên vrazîyo. Labrê Pêxemberê ma (a.s.m), qebûl nêkeno. Ebû Sufyan destveng ageyreno Mekka’y.

Musulmanîy qandê “Fethê Mekka”y bi des hezarî jew ordîyêna vera Mekka’y kewnê ray. Mekkayijî çağanoki ordîya musulmanan vînenê kewnê ters û xofên mîyan. Çiki biserrana musulmananrê ezîyet û eskencey kerdîbî,  bol sêsî ardîbîn se’haban ser.

Musulmanan bêlej û bê’herb Mekka grotibî. Pêxemberê ma (a.s.m) Mekkayijanrê hina eman dano ew vano ki:

“Kam ki dekewê keyedê xwu emnîyetido. Kam ki dekewo keyedê Ebû Sufyan’î emnîyetido. Kam ki Ka’be di bo emnîyetido.”  ‘Hz. Pêxember (a.s.m) bahdo yeno Ka’be ew pûtan/hişkalan pêrini şikneno. Musulmanîy Ka’be’y tewaf kenê tepîya nimazê xwu kenê. Mekkayijîy bêçare pawenê ki; Pêxemberê ma (a.s.m) înanrê cezayên bido. Labrê Pêxemberê ma (a.s.m) înan pêrini ‘ef keno.