HELÎSA

Paraki
dûrik : 13 Kasım 2013 - 21:40

 

mele nasredin

 

HELÎSA[1]

Mintiqa: Gimgim

Çime: Gullu ÇÎÇEK

Arêkerdox: Murat ÇÎÇEK

 

Rojê Male Nasredîn wurzeno ra xo rê şono dewê çêkekê de(yew key de) beno meyman. Cenike ana ci rê helîsa pojena(pewjena). Tabî sifre nana ro, wenê. Male Nasredîn nîyadano(ewneno) ke weş a, şîrîn a. Male Nasredîn vano:

– Wayê, nameyê nê yemegê şima çik o?

Vana:

– Helîsa ya.

Eke vana helîsa ya, Male Nasredîn vano ez xo vîrra mekerî, ez ke şîya çê(key) cenika xo ra vajî ma rê pojo(bipewjo). Wurzeno ra raye ra şono kuno(keweno) binê raye vaye ser ra kil dano vîrra şono. Çuya xo cêno(gêno) çamura ujay tevdano. Çamure tevdano tevdano tevdanooo, milet şono serê bona(bana); vanê ero berê ma şîme xoce ha wo amo(ameyo) nêzo çikê xo kerdo vîndî, gunek o ma şîme teyî bifetelîme(bigerîme) belka ma bivenîme. Şonê vanê:

– Xoce, to çikê xo kerdo vîndî?

Vengê xo nêkeno. Defêna vanê:

– Xoce to çikê xo kerdo vîndî?

Hîn(winî) vanê û ê kî cênê(gênê) teyî tevdanê. Werte(orte) îna(înan) ra ju vazdano vano, la-law ma hîn kerde ke, kerde ze(sey) helîsa.

Xoce vano:

– Ha ha haaa mi dî, dî.

Eke hîn vano, vanê:

– Xoce Heq belayê to bido ha. To ma can(gan) ra kerdîme.

 

 



[1] Helîsa nameyê yew werdê Kurdan o. Wina amade beno: Siftê ewilî şeker erzene axwe tevdanê adir ser o kenê sur pede pede arda erzene ci pewjenê. Cayê de bîn de kî run kenê sur, ardî ke pewjîyay kenê temîyan û tevdane.

 

nh

Zeliqokîy :zazaki

Şîrove Biki:

Name û peyname
Edresê e- postay
Şîroveyê to:

Şîrovey:

şaban şenateş
14 Kasım 2013 - 13:24

Yemeg: Tirkî’yo, Dimilîya ci ”werd”o, tîya di to şayê ”şamî” jî kardo, çamur Tirkî’ya, Dimilîya ci ”lincî”ya.
Berxwudar bi Murat’u bira, torê serkewtiş wazena. Nûştan serdewam ki.

faruk çetinkaplan
17 Kasım 2013 - 07:31

Aqilê Xwocay jî jew şino jew yeno!

murat çiçek
19 Kasım 2013 - 21:28

Silam…
ez tewr ver seba şîroveyê şima sipas ken. labelê seba ke no nuştê folklorîk o merdim ganî mudahale çekuyan mekero. ma kî o semed ra “yemeg” û sey yemegî çekuyanê bînan rê mudahale nêkerd.

Destê ma ra ke çiqa ke amey û Heq çiqa ke îzne de ma ma îşalah nuşteyanê xo dewam bikîme.

Mihrîban Kanat
01 Aralık 2013 - 14:33

Serkewten bo mamosta…

reqlamê maldanan

nûşteyê ki ci manenê

BOR
MANGAYA BORI

MANGAYA BORI Va beno nêbeno cinêkên bena, mêrde û keynekênda ci ew jû jî sêkurênda ci bena. Nameyê keynerda ci ‘Eyşiki ew nameyê keynekerida

engur
ETAR(2)

Ettar Recep YİĞİTBAY Çoşmê nîm seet ray dima durî ra xeyma sîya kerdê dîyayişê xeymana pî jî lajekî jî  kêf kerd  ,a gam her zî zira

2422002-eski-kapi
ETAR

ETAR Recep Yiğitbay  Germî tîyana girtim kerdo palax  renga erdî kerda ze çol jew fin vayêno  germo yeno  bi  nê vayîya vaş hebekê hêl


Hit Counter provided by laptop reviews