Heqdê Silasnayenda mina Quranî Di

Heqdê Silasnayenda Mina Quranî Di

Cuma Özusan(Milla Cimha yo Babij)

Tadok:Recep Yiğitbay

Rehmetî  pîrika mi ez rişta Quran.Hewna ez mektep nêşîbîya  mi çend xetimî kerdîbî.Şewa ênê û rojeyî di mi pîrik da xwo rê Quran wendê.Ay bi bal û bixişuya goştarey kerdê.O çax  mi  vêşî çîyê fehm nêkerdê. Mi şîrineya Quranî  ,ez bîya des duwes sere, mi tam  weş fehm kerd.Ez çaxê ezandê şewray weriştê,mi firun ra simîtê xwo grotê, ez kahwanê suk di çex bîyê û  çay vero,simît rotê.O serdî sobey newe  acfistî bî, însanî  ci çoşmedê  sobera arêbyayê xwo kerdê germ.Çaxo ki mi kila ki qelîşandê sober ra  aseyê  temaşe kerdê a gam mi  qitilmeyo tewro weş radyo kî kahvedarî akerd bî û tey Quran wendê  bi ey ra grotê.Bê hes û bê vengê, Pêrin bi sikuta  goşterey kerdê.Çîyo ki mî vîrî di mendo o ki wendê Abdusselam bî.Hunî weş wendê ki…Ê  serdê zimîstanî di zerya kê ker dê rehat.

Bahdo çaxê lîsada mi  radyoyê  bi embazdê xwo ra  emanet girot, , diha hunî bi zaneyena na fina didina ez resaya   sewda da xwo   .No radyo Misirîyo kî wîst u çehar seatî Quran vendê o bî.Wexgo hunî,fesîh hunî  zelal,zê qulîngî , safî,bê werrek, bêrîya ,bêramojnayen mikun nîya kes heyranê nê wengî nêbo.Qaîdanê tecvîdî û qiraatî ra qe fedakarey nêkerdê. Bi yusula wendê.Mi embaza ra pers kerd ,înan va Xelîl Hussarîyo.Mi va o kamo,inan va xocayê Abdusametîyo.Nika  eza vinêne  ma  jî yusule ey ra şinê, ez bol kêf kena. Mikun nîyo kes heyranê/werîştê  weng  û wanayiş delalîyê  rehmetî Hussarî   nê bo.

O ki vengî keno weş,qaîdeyê qiratî nîyê,tewazu,îxlas u bi  zerrîya wendişo.Maya ki  qeçekê ci wefat kerdê ,qespa ci veşena, hawoya na mar di veşinde çîyê beno tede zur bena.Nê beno.êk ki  Quran wanenê çaxok vajê goşdarê ma   ,ma bi rîdê ma  bi ecibnê, wexta tamê vengî  şino.Çi heyfo ki bolê wendokê Quranî  qando ki  şar bi wengêciyê weşî va  birîdo coka wanenê.Aşere takrîb,tayyîbe, nê pêro qalikê serîyê.To dî kes şikê  yusulê nimazî  bibo ew nimaz bikero ,sirê nimazî pêro şino.Eger tenya biyusula bibyayê vengê Bîlalî yo rehmanî bîyê.Ey Erebî rind nêzanayê,zuwanê ci tam nêşiyê ser,labrê kila ki ey zerî di weşayê,çaxo ki ey ezan wendê bîyê  nalîn .Hewt qatî azmîn bi vengdê Bîlalî ya  zimmayê.