‘Hesabê Resenî û Qufîya

  ‘Hesabê Resenî   û Qufîya

Wextên dî bî namedê welî ağaya Merdîmên do zengîno wahîrê mal milkî û wahîrê hega û kerîyan vefat keno.Delalê ci kewnê kuçan vanê,sukijêno welî ağa merdo ew wesîyet kerdo vato:

Kam ki na şewa mina sîftî qebir di, mi rê embazîn bikero,kî heta ez bimusa coya/heyatê adînî,ez do nîmê hebuna/malê xwo cirê verda.

Delalî kuçe bi kuçe geyrenê veyndanê, labrê kes nê wetano  ki nê tekelîfê ‘ecêbî rê belê/e vajo.Vera şanê hemalen do niçar, fekîran dê suk ra merdimê.Vinêno xwo ra û xwo bı xwo vano bê resenên û bê qufêna çîyên dê mi çînyo.Vano hemal kewna gor/mezel,   ağa bena vijêna.Bi no babeta vazdano şino vano ez weşibgan  kewna mezel  .

Meştêrî,mezelên do hera aşaneyêno.Kalekên di welî ağa bi kefenên do mezbut piştîya ,kaleken di jî hemalî kenê mezel û herrer dîmdanê ser.

Gamekna/şelpena melekê persdarî yenê,

Melekiy pêrê vanê,nê hurna pîya pawê ma yê.

Jewê ci ê bînîrê vano zengîno tim u tim tîya di bo,ma verî hemalî ra perskerê.

Melek a bîn  jî no tekelîfî qebul kena,şînê berzîndê hemalî dest bi persan kenê.

Dinya di  qe mal û milkê to est bî.

Hemal vano:

Şimayê mi huwenê, mina qelfî kenê,çim malo çi halo ,bê qufên û resenêna tebayên dê mi çînêbî.

Melekî vanê madamo ki hunya vaji:

To o resenî û a qufa bi çîçîya herînê?

Hemalî dest keno vatiş:

 

Mi, malêndê jew merdimî bi des qurişa kirişt. Mi di qurişî verdî ew heşt qurişî hewaday.Meştêrê fina mi kar kerdi.Hunî hunî mi nan û pîze,mi no resenî û qufeya herîna.

Melekî vanê:

Nêbeno efendî ,nêbeno,no pereyo ki to filankesî ra grot,ked û cefa dê to kemêrî bî.Ma do hesabê ney ey ra perskerê.To bêvankesîrê jî hercan kirişto.,ma do hesabê ney jî perskerê,

Hemal vano:

Persa şima raşta ,labrê mi herjan nêberdê,înan bi mina nê dayê kiriştiş.

Melekî vanê:

Bê qaxu bî, ê hûrna pîya do jî bêrê tîya,jew bi jew ma do înan ra jî ‘hesabê nê girwi  do pers bo.

‘Hesabê hemali dewam keno.

Melekî vanê:

To qezencê xwo ra çend werdi çend na pêser , yanê çend hewada.

Hemal vano:

Willi tim nîma nîm bî. Des qurîşî kewtê mi dest mi panc verdayê panc eşt kalekê.Di di qezenç kerdê jew werdê, jew verdayê.

Nêbî nêbî, no qe nêbî,to hem qira xwo ra hem jî qirda kufletê xwo ra kerdo.To hem xwo rê hem jî kuflet tê xwo rê xedir kerdo.No jî gunayo, ti ney nê zanê?

Hemalî akişt na kişt çîvî dano xwo ,ariq yeno ci,nêşeno ciwabê xwo jî bi do.Netîce şewra beno mezelî akenê û hemalî teyra vejenê.

Hemal vinyêno xwo çoşme ra ,bi qadî ya pîya şarê suk pêro arêbyayo.

Qadî yeno hemalî ver vano

‘Eferim torê ,to çîyo ki kesî nêwetar di kerdi.To mikafatê xwo  heq kerd.

Şarê suk pêro pê fekîya qîreno ‘helal torê,cirê çepikî ceneno.

Hemalî nêdaryêno finnê ra  qîreno vano:

Nê nê , ez qe çîyên nê vazena,mi rê çîyê lazim nîyo,mi bi ‘hesabê resenî û qufêna heta şewra nêşa bido.Ez do ‘hesabê hen di malî senî bida.Kam qayilo va o bîgîro,’hesabê ci jî merdim o ki groto wa o bido.

*Na mesela Tirki ra tadeyaya.

 

                                                                           Tadok:   Recep YİĞİTBAY