Hîkmetê Rojî

Hîkmetê Rojî

شَهْرُ رَمَضَانَ الَّذِي أُنْزِلَ فِيهِ الْقُرْآنُ هُدًى لِلنَّاسِ وَبَيِّنَاتٍ مِنَ الْهُدَى وَالْفُرْقَانِ فَمَنْ شَهِدَ مِنْكُمُ الشَّهْرَ فَلْيَصُمْهُ وَمَنْ كَانَ مَرِيضًا أَوْ عَلَى سَفَرٍ فَعِدَّةٌ مِنْ أَيَّامٍ أُخَرَ يُرِيدُ اللهُ بِكُمُ الْيُسْرَ وَلاَ يُرِيدُ بِكُمُ الْعُسْرَ * وَلِتُكْمِلُوا الْعِدَّةَ وَلِتُكَبِّرُوا اللهَ عَلَى مَا هَدَاكُمْ وَلَعَلَّكُمْ تَشْكُرُونَ*

Roje ,

nîşanê îslamîyetî,

destan sera destî  dîyayiş,

nefsê nelematî qeydî kerdiş,

qiymetê nehmetan zanayiş,

Rebil ´Alemînî îşaret da û va mewrê û mêşimê û heta nika  çîyo ki mi şima rê helal kerdbî înan ra durîkêwê,bizanê ez esta wahîrê nê nehmeta,.Hîkemê rojî bolê hîkmetê cîyê tewro girdî jî ,wahîrê nê nehmetan silasnayişo.İnsan  rew keno xwo vîra  , mesela nemrutî esta  nemrut, di merdima ra jewî keno darda jewî verdano vano ez jî rebba,însan tim nehmeta xwo vero bîvîno ,serbest buro, bişimo .Roj yeno,Rebbil ´Alemînî keno xwo vîra.

E , hîkmetê rojê bolîyê jew zî qiymetê nehmetan zanayişo, Rebbil ´Alemîn  bi rehm û kerem da xwo ya senî aw çimêyên ra dano teber, rextê koyan ra aw hunî fişkena xuj xuj ,bı venga herikêna   ,pişk  o babeta jî  Ellah u Teala ma rê nehmeta nê xwo jî rişeno.Ma boley di qiymetê nehmetan nêzana , bi rojeya Rebil ‘Alemîn  qiymetê ê çîyan ano ma vîrî.

Hîkmetê rojîyê ju jî halê niçara ,însananê feqîra  fehm kerdişo  .Bi rojîya însona tewro zengîn jî beno merhum ,halê çînîbîyayişî bi xwo ser ra fehm keno.

E ,însan bi rojîya fehm keno ki xwo serî nîyo wahîrê nê erd u azmînî wahîrê  nê nîhmetan esto. Peyxemberê(s.a.v) ma ferman kerdo : ‘ Cenabi heqî nefsî rê vato ki : ‘ ez kama ti kamê?’ nefsî vato ‘Ez eza  ti tîyê !’Azab dayo ,eşto cehnim,fina pers kerdo .Fina vato ´´ez eza, ti  tîyê.´´ Kamcî babet ‘ezab dayo ,enanîyetê xwo nêveradayo.Dima veyşaneya ‘ezab dayo,yanê veyşan verdayo.Fina pers kerdo:´´Ez kama ti kamê.?´´ Nefsî vato´´Ti Rebibê minê Rahîmê ,ez  kulên dê to yê ‘eciza´´.

Hikmetê rojî jew zî noyo , senî insanî rê kar û xebat lazimo  bi o babeta jî aresne îstîrahat jî lazimo.Leşa, bedenê însanî rê jî aresne lazimo,roje di leşa însanî jî,pîze ra tepiş ,qelbî ra qespa ra  heta her ju hucra bi xeyrê rojî îstîrahat kena,aresna dana û însan bi rojîya sihet ganweşey  vîneno.

Menga rojî xwo mîyan di bol xelatanê rehmanî nimneno. Ellah u Teala ê xelatana nîmîya  bi rehmda xwo ya ma rê eşkara kero, rojî  roşnayîya a dînî û na dînî da ma kero.

*Baqara ,ayeta 185 î.

Çime:Rîsale-i Nur

Hadreker:Recep Yiğitbay