ÎMTİ’HANÊNDO ZOR: BOYKOT
ÎMTİ’HANÊNDO ZOR: BOYKOT
Muşrîkê Mekkeyijîy, qandê ki muslumana dîndê Îslameteyra açarnê, ‘heme rayîy ceribnay. Muşrîkê Mekkayijîy, anverê muslumana pêro benê jew, qerar danê ki;kam înanrê yardım bikero do înanrê jî boykot vrazyo. Qerarê boykotî jî gînê nûşenê ew dêsdê Ke’bî’di darda kenê.
1- Naya tepîya kesêndo bi muslumanana tîcaret nêkero.
2- Kesêndo muslumananrê yardım nêkero.
3- Muslumananra ne keyna do bigîro ew ne jî bido înan.
Nê qerarên granî, rojê tenganrê ‘hemlî bî. Mekkayijî, muslumananra zey nêweşîna webayi dûrî kewtê ew ê ki qayilî bî yardim bikerdaynî, înanrê jî bîyên manî. Mumîna mîyandi roj bi roj veyşaney û çinêbyayen zêdyayên, qandê coy tenganeya girdi mîyandi coyayên.
Boykot, tam hîrê serrîy ravêrdî bî ki; hebên muşrîkî nê ‘halîrê dayax nêkenê. Nê whêrûjdanîy, qandê boykot hewadişî xwu mîyandi muşewre kenê ew qerar danê ki boykotî hewadê, Pêxemberê ma (a.sm) xeberi dano ki;qerarê boykotî kişta jew kermên ameyo werdiş ew tenya nameyê Allah(c.c)’î verdayo. Mekkayijî remenê Ka’be ki;qerarê boykotî jew kermên werdo ew tenya nameyê Allah(c.c)’ î verdayo. Muşrîkîy fekakerde manenê ew bi no awaya boykot mumîna serra hewadeyeno.
SERRA HUZN Û KEDERÎ
Pêxemberê marê rojê teng û ta’hlîy amey bî kêberî fek. Çiki Hz. Xetîca nêweşi bî. Demeyêndo kilmdi Hz.Xetîca wefat kena. Hz. Xetîca dima, dedê pêxemberê ma Ebû Talib jî nêweş kewno ew o jî demeyêndo kilmdi wefat keno. Sebebê wefatkerdena Hz. Xetîca û Ebû Talibî, na serrirê “Serra Huznî” vajyena. Hz. Pêxember (a.s.m) û muslumanîy nê di însanîy biqîmetîy kerdîy bî vinî. Çiki;nê şexsîy teblîğdê Îslamîdi cayêndê muhîmîy bî, bi qedr û qîmetîy bîy. Pêxemberdê mare ew muslumananrê paştîyênda zexim bî.
Şîrove Biki:
Şîrovey:
Dem bi dem wexto ki kesîrê sebr û dayaği lazima bena.
reqlamê maldanan
nûşteyê ki ci manenê

WEFATÊ PÊXEMBERÊ MA Pêxemberê ma (a.s.m) ‘hec ra ageyra tepîya, demeyêndo kilmdi nêweş kewt ew hİrg û şîyê nêweşîni sero bîyê gran.

XUTBEYA XATiRWAŞTİŞÎ Faruk ÇETİNKAPLAN Nîmgirawa ‘Erebîstan’î di, Îslameteyi heme cayandê cira vila bîya, Fet’hê Mekke’y serra jî

FET’HÊ MEKKA’Y
Nûşteyê tewrê peyênîy
Quncnûştokîy