LEM’AYA VÎST Û PANCÎ

LEM‘AYA VÎST Û PANCÎ

Tadok:Şaban Şenateş

Vist û panc dermanê

(Nêweşanrê qandê melhemên, qandê tesellîyên, qandê reşateyêndê me’anewî, bi şikildê meqamêndê ‘sereweşînên ew kefaret bo di nûşîya.)

Vîradikên û beğşînwazên

No reşateo me’anewî, nûştandê minê bînan ‘hemini serra bi pêta[1] nûşîyao û bi tersdê ê eserandê minê bînan pêrini ma nêşao bê finên wextê raştkerdişî û dûzandayîşî bivîno ew bi no babeta telîf kerdo. Dêmağ ki bi şikildê musweddedê siftekênîya winî xiltane mendo. Qando ki bi vîrardikêndo safîya ameo qelb, ma jî qayîl nêbîy bi balkeşey û sene’heta ci veyeyê û bixeripnê. Cora ma newedera goosenorge
çim ci nêçarna. Key ki qandê wendekaran, bixusûsîyeta qandê nêweşan vajey û vatişê ci gran amey, wa mira nêqe’hrîyê û rî nêdê ew wa mirê jî di’hay bikerê.

Mayê na Lem’a di qandê mûsîbetzedan û nêweşan( ki des kesandê însananra parênda ci peyda kenê) qando ki cirê tesellîyêndo heqîqî û melhemêndo ne’hfîdar bo, bi şikildê vîst û panc dermanana ew bi kilmaneya nûşnenê.

DERMANO SİFTEKÊN

Ey nêweşo bêçare,

Qağû megî, sebir biki. Nêweşîna to, torê derd nîya, beno ki dermana. Çiki ’emir sermayeyêno û oyo şino. Eger meyweyê ci çinêbo, do zîyan bo. Hem eger bi kêf û ğefleta bo, do rew ravêro.

Nêweşîna toya, ê ’emrî torê kena meywedar. Hem aya ’emrê to vindarnena,goosenorge.no kena derg. Winî kena ki meyweyê ci bigîro tepîya verdo. Weşqisayên di vajêno:

-Dûmo bize’hmet û mûsîbet dergo, dûmo bikêf kilmo.