MEWA ZİWANÎ

Ana Sayfa » Edebîyato Newe » Ceribekîy » MEWA ZİWANÎ
Paraki
dûrik : 24 Aralık 2014 - 14:25

zuywan

MEWA ZİWANÎ

Faruk Çetinkaplan

 

Kes qîmet nêdo xwu, nêdo qeçandê xwu, qîmet nêdo ‘erd û rezandê xwu, qîmet nêdo welatê xwu, qîmet nêdo quruşdê xwu,  şâr tew qîmetê to nêzano.

Çağano ki ma raştê pê yenê, ‘hal û ‘hewalê pê pers kenê, nê perskerdişî mîyandi ma vanê:

-Qeç û qûlê to senînê? Cewabê na persi jî girdê ma hina danê.

-Kutukê to bê!

-Koleyê to bê!

-Çoşmeyê to bigeyrê!

Hele hele qeçekan heti di hina vatiş rih dê înandi tam tesîrên virazeno, înan tam keno kole. Ê xwu bê qedr û bê qîmet vînenê. Qeçekîna mi sero, na serweşîna çewti jew tesîrên viradayo ki; mi xwu bê qedr û bê qîmet hîs kerdê. Girdanê ma girdan dê xwura hinî dîbî. Labrê qisa ca dê xwudi hinî nêmanena, yena koyena zerîda kêro.

 

Çimê menfeetî kor bo ki;merdimo menfeetkâr, bi çimdê menfeetîya weyneno dinyay. Çîyên çağanoki pere nêkero, nêkewno ey dimi, xwu nêbetilneno.

Kes çağanoki qalê kurdî keno, rîyê xwu tadanê, kenê tirş. Ma salnamanê/teqwîmê kurdî danê destê hebini, zey koza adirî xwu destra erzenê ew bê fahm, bê îz’an hina vanê:

-Ma hana ma tirkî safî nêkerda, no fin sire amaya kurdî?

Ez jî  cewabên hina dana înan:

-Ma tirkî ziwanê pêr dê mayo! Ma ziwanê kalik dê mayo! Yan ziwanê pîriki da mayo?  Sifte sifte ma gereg kurdî bimûsê yan tirkî?

-!?

 

Mi dewa Çêrmûgi di, 1993’di xutbeya îneyî mi bi dimilî dê tepîya, bahdê nimazîya hebinan va:

-Nimazê mayê înî qebûl nêbî!

-Ma bi dimilî cara xutbe bîyo?

Çiki goşanê ci cara xutbeyênda hina nêaşnawitibî. Hinî mûsaybî. Tirkî bîbî ‘edet, dimilî bîbî qebhet!

Dimilî bîbî ziwanê dewijan, ziwanê kuçan! Ziwanê şiwanan!

Ma Allahî no ziwan tenîya qandê şiwanan û  gawanan dayo? Heşa hezar fin heşa!

Merdimo lâl yanê bêziwan senî ki kemaneyênda bedendê kesîya, eynen hinî jî; ziwanê kê jî mektebandi çinêbo! Camîyandi çinêbo! Daîrandê dewletidi çinêbo! Ti jî çinyê! Qedr û qîmetê to jî çinyo! Ti temam nîyê! Çiki heme cadir tîyê nêşenê xwu îfade bikerê.

 

Mi telebeyênra pers kerd. Mabênê ma di dîyalogêndo hina ravêrd.

-To dersa kurmancî weçînê xwurê?

-Nê!

-Çirê?

-Ma xwura ez kurmancî zana

-Ê ti tirkî nêzanê?

-Ez zana.

-Ê ti dersa tirkî çirê vînenê?  Madamaki ti tirkî zanê mekewi dersa tirkî jî!

-!?

 

Cemaata camîyan ew telebeyên mekteban kewtê otomotîkên mîyan, bol cira zey robotan şinê yenê! Şinê yenê!

Hal û hewalê ma ortedo. Mayê nêşenê xwu bi ziwandê xwuya jî îfade bikerê. Çiki mayê nîyanê kar. Kuçandi, cematandi, weşbestandi, heme cayandi hetanî nêro bikar, mado lal û lalûte bimanê. Ziwan oyo ki tercumanê aqilê kesî bo. Ahmedê Xanê jî peyd mendişê ziwanê kurdî ser dîwanê xwu di hina ano ziwan:

 

Ev mîwe eger ne abîdar e          (eger na mewi aw nêdeyo ci)

Kurmancîye ewqeder li kar e     (kurdî do encağ hendayê bêro bikar)

Zeliqokîy :zazaki , , ,

Şîrove Biki:

Name û peyname
Edresê e- postay
Şîroveyê to:

Şîrovey:

şaban şenateş
24 Aralık 2014 - 17:06

Ellah kemaneya to nêdo Xwoca Farûqo Kurdî(Dimilî û Kirdasî). To nûşteyêndo weş nûşnao. Laberê ti Receb”i kenê kulbizikî, ti berey berey nûştanê xwu nûşnenê. Ew çîna jî ”di”yê toyê ki mehneyê ci ”mîyan”î îfade kenê, înan cîya bînûşni. Mersela dewi di, sûki di, nûşte di, mîyan di, tey di, zerrî di ew zêdê nînan.

faruk
24 Aralık 2014 - 22:24

Mamoste Şaban! Allah tora razî bo! ecibnayişê to mirê îcazeta Medresaya Dimilî.Net’îya. eza nara tepîya “di” ya xwu vîra nêkera înşellah! Pawê duayandê şimaya inşellah!

bedırxan islamoglu
29 Aralık 2014 - 11:56

Ma bı xeyr.
Faruqo bıra to nuşteyêdo bol weş nuşto, destê to tern bi. Zıwanê ma seni heta nıka pê qıseykerdış hameyo resayo no çağ, nıkara pey zi ma rê çiyo tewr muhim qıseykerdış o. Basusûs qeçekana qıseykerdış u inan banderi zıwani kerdış.
Siteya şıma zi gelek rınd a, mı aye newa diya boka şıma reklamê aye bıkeri, wa her kes pê bızano. Eke destê şıma ra bêro şıma videoyi bar bikeri bol hol beno. Bımani sılametey dı.

reqlamê maldanan

nûşteyê ki ci manenê

Qisê Roşanîyê Berey Mendey

Qisê Roşanîyê  Berey Mendey    Recep YİĞİTBAY Vengê şîîran dê Feqiyê Teyranîya mi dest kerd nûştedê  xwo ,  kelimeyê ki bi eşqa

Roşan

Vizêr bewraqa qedya,ma hewş di kavirê xwo kerdî qurban ,bi xeşîmeya  ma kerd poste , bol cayê postî bi kardiya maya bî egerin , mi vaya ma qesabê

DOLA ‘HALÎM’Î (3)

Qeçekê xwurê kay kenê, mayê geh dîn û îmanra, geh sîyaset û sîyasetgeranra qal kenê. Ma jî nê qisan û mersalan sero geh yenê werey, geh


Hit Counter provided by laptop reviews