QANDÊ TEBLÎĞKERDİŞÊ ÎSLAMÎDİ XEBATÊN PÊXEMBERÊ (A.S.M) MA

QANDÊ  TEBLÎĞKERDİŞÊ  ÎSLAMÎDİ  XEBATÊN  PÊXEMBERÊ  (A.S.M)  MA

Mekka’di, ser bi ser komên tîcaret û ê kulturî vrazyenê ew însanî yenê pêser kom benê. Zewmbîna jî qandê zîyareteya Ka’bî însanîy ameyên sûka Mekka. Pêxemberê(a.s.m) ma jî nê kombîyayişê dînî û tîcareteyra firsend dîyê ki teblîğê îslameteyî bikero. Pêxemberê (a.s.m) xeym bi xeym şîyên insanan heti qalên Allah û axretî kerdên. Labrê dedê ci Ebû Leheb û embazandê xwuya pêxemberdê ma dima şîyên xeymanra geyrayê ew vatên: “Mu’hemmed bîyo mecnûn, goş ro ey menê!”  Fina jî Pêxemberê (a.sm) ma vatiş û tenlîğê Îslameteyra qet’hen û bîllah feknêveradano, nê’ecizîyeno, rayda xwura peydi nêmaneno.

Qandê ki pêxemberê ma, na da’wa xwura fekverado ew bi’ecizîyo, çi rayîy ameyê muşrîkan aqil vatên ew ardên ca ki;  dîndê  Îslamîra rojê ravey   bireyayê.

 Rojna yenê pêxemberdê ma heti cirê hina vane:

-“Eger ti nêweşê ma to ‘hekîmê en zanayana bidê tedawîkerdeni.  Eger mexsedê to qraleyase, ma to bikerê qralê xwu ew çi emrê to estose ma bîyarên ca. Eger ti peran wazenêse, ma to bikerê en zengînê sûka Mekkayi.  Eger nêtê to zewajose, sûka Mekkadi en keyneka xasek û delalêna ma to bizewijnê.  Bes ki, ti na da’wa xwura fekveradi”  Pêxemberê (a.s.m) ma anverê înan Qur’anîra ayatan waneno.  Oxmo ki pêxemberê ma nî’met û male dinyayî nê, rizaîya Ellah (c.c) û werrekeya axretî waştê.