RÎSALE-Î NURÎ Dİ ‘HÎKMETÊ ROJEYÊ REMEZANÎ

RÎSALE-Î NURÎ Dİ ‘HÎKMETÊ ROJEYÊ REMEZANÎ

شَهْرُ رَمَضَانَ الَّذِۤى اُنْزِلَ فِيهِ الْقُرْاٰنُ هُدًى للِنَّاسِ وَبَيِّنَاتٍ مِنَ الْهُدٰى وَالْفُرْقَانِ

Rojeyê Remezanî, panc ruknandê Îslameteyi ra rukno siftekêno. Hem jî ‘elametê Îslametey mîyandi en girdandê cirayo.

Îşte, rojeyê Remezanîyo mubarek, bol ‘hîkmetandê cira, hem rubûbîyetê(2) Cenabê ‘Heqqî, hem cem û cemhatê însananrê, hem coyê ciyê şexsîrê, hem terbîyedê nefsîrê, hem rojeyê Remezanî hewneno nîmetê îlahîrê ki qandê şukurkerdişîrê bol ‘hîkmetên ci estê.

Nuqteya rubûbîyetê  Cenabê ‘Heqqî di bol ‘hîkmetan mîyandi jew ‘hîkmetê ci noyo ki:

Cenabo ‘Heq, rîyê ‘erdî zey sifreyê nîmetan ravisto ew ‘heme babet nîmetîy ê sifrîdi  “مِنْ حَيْثُ لاَ يَحْتَسِبُ ” (3) bi şiklêna  ê sifrî sero rêzkerdişê nîmetên xwu, rubûbîyeteya ci ya bikemali ew ra’hmanîyet ew ra’hîmîyeta xwu bi ê wezîyetîya xwu dano fahmkerdiş. Însanîy, bindê perdedê xefletîdi ew sebeba mîyandi, mahney û ‘heqîqetê ê wazîyetan tam nêvînenê, jew fini jî xwu vîra kenê. Hema Remezanê şerîfîdi, ehlê îmanî,finêra kewnê herûnda ordîyênda bidûzani. Bi şikl û wezîyetê zîyafetêna zek bibê meymanê Sultano Ezelî, ew bi tewrêndo ‘ubûdîyetkârên(4), nezîyê şanî bendedê emrê Allahîyê ki; Allah û Teala vajo: “Kerem kerê!” anverdê na re’hmanîyeta bişefqet, na ’heşmet û girdeya Allahî vero, ‘evdeyênda/qûleyênda bol hera ew biezemetêna ew bi întîzam û dûzanêna û ‘ubûdîyetêna mu’mînî pêro pîya ‘hereket kenê. ‘Eceba ‘ubûdîyetêndo hina berz û ‘ulwî ew nê sifredê hina  bişeref û keremîrê însanîy nezî nêbê, ma nameyê însaneteyrê layiqîyê?                                                   

(1) “No rojeyê Remezanîyoki Qur’an tede nazîl bîyo ki; No Qur’an, qandê însanan hîdayet û raya Allahî di rehber û delîlên eşkerey ‘heq û ne’heqî pêra abirneno.” (Sûreya Baqaray:185)

(2)Rubûbîyyet:Rebbeya Allahî. Terbîye kerdena Allahî.

(3)Ew eyrê/ayrê cayo bêûmidîra rizq dano. (SûreyaTalaqî:3)  

(4)’Ubûdîyetkâr:Zek merdimêndo îbadetî sero bo. Zek nimazî sero bo, hinî hereket bikero.

 (Mektûba 29/Rîper 453 /Mektûbât Zehra Yayınları)