Rîsalê Nêweşan(4)

Ana Sayfa » Edebîyato dînî » Rîsaleyê Nûr » Rîsalê Nêweşan(4)
Paraki
dûrik : 07 Aralık 2014 - 13:55

images (1)

 

 

DERMANÊ PANCÎ:

Açarnok:Şaban Şenateş

 

            Ey nêweşo ki kewto merezî dest! No wext di bi cerribîyayîşa mi fe”hm kerdo ki, nêweşîni tayênirê îhsanêndo îlahîya, xelatênda re”hmanî’ya. No “hewt-“heşt serrî[1]yo ki, wezîyeto ki ez leyaq nîya jî, tayên gencîy amey mi heti, qandê nêweşînandê xwu ez dîya. Mi balê xwu da bi ci, ez winîyaya kamcîn genco nêweşo ki qandê nêweşîni oyo yeno mi heti, goreyê gencandê bînan deha bol şikê axretda xwu beno. Tey serxwoşeya gencey çinîya. Oyo bi payeyêna ğeflet di “hewesandê “heywanîra şeno xwu bireyno. Ez jî winîyayê, mi dîyê ki ê do bişê te”hemmûl bikerê, mi vatê na nêweşîni şimarê îhsanêndo îlahîya û mi ardê ci vîrî. Mi cirê vatê ki: Birak, ez na nêweşînda to vero nîya. Qandê neweşînda to, zerrîya mina bi to nêveşena ki, ez torê di”hay bikera. “Heta ki nêweşîni to tam kena haydar, sebir biki. Ew wexto ki nêweşîni wezîfeyê xwu ard ca, înşaallah Xaliqo Re”hîm do torê şîfa bido. Hem mi vatê: ‘’Tayên hemsalê toyê ganweşîy, êyê bi ğefletdê ganweşeya nimazî terk kenê, şikê qebrî nêbenê û mergî nêanê xwu vîrî, Ellah’î kenê xwu vîra, êyê qandê se”hatênda Dinyaya weşi, bi kêfdê Dinyayê zahîrîya axreta xwu erzenê te”hlûke, “herrimnenê û qe beno ki êyê kenê xrabe. Laberê tîyê bi nêweşînda xwuya, qebro ki her “hal û kar di ti şiro ew fina menzîlê ê qebrê uxrewîyê ki ti do “sere prodê, tîyê înan vînenê û goreyê ci tîyê luwenê. Dêmağ kî nêweşîni qandê to sihhatêna, ganweşîna ki tayên hemsalandê to da jî, cirê nêweşînêna.

DERMANÊ ŞEŞÎ:

            Ey nêweşo ki dej[2]îra lebayên[3]o! Eza tora pers kena: Şikê dûmdê ravêrdî bi[4]; ê dûmî mîyan di ê rojê toyê ki bi zewq û kêfîya ravêrdê ew ê rojê toyê ki bi qe”hr û qotik û bi bela û mûsîbeta, bi jan û deja ravêrdê, înan bîya xwu vîrî. Her”hal ki ti do yan vajê ox yan jî vajê ax. Yanê tîyê kenê yan bi qelbîya, yan bi zuwanîya yan vajê ‘’El”hemdûlîllah torê şukur’’ yan jî vajê ‘’ey wax çi “heyfo!’’. Balê xwu bi ci di, çîyê ki torê ‘’ox û el”hemdûlîllah û şukurî’’ danê vateni, dej û bela û mûsîbetê toyê ki to serra ravêrdêyê ew şikê nê mûsebetan bîyayîşo. Zeki nê, lezzetêndo manewî kenenê, cora qelbdê torê şukur danê kerdiş. Çiki vêrdena dejî lezzetêno. Wexto ki ê dejîy û mûsîbetîy ravêrenê, bi ravêrdişdê xwuya ri”hî di xwu dima lezzetên オンライン カジノ verdanê ki, bi şikdê ci bîyayîşîya wexto ki na mesela bikenîyo, îşte wexta ri”hî di lezzetên herrikêno û şukrî ano vîrî. Ê çîyê ki ‘’ey wax û çi “heyfo ki’’y danê vatiş jî, ê rojê toyê ki to bi kêf û zewqa ravêrnayêyê. Înan bi ravêrdişdê xwuya ri”hdê to di dejêndo daîmî verdao ki, ti çiwext ki înan bîyarê xwu vîrî, ri”hê to do fina dejên mîyan kewo. ê do torê “ezab bidê, do ri”hdê to di esef û “hesretî bikarê.

Madamo ki jû fini rojênda lezzetêndê ğeyrî meşrûy kesîrê “hendê serrên dejêndo manewî dana antiş, û dejo ki bi nêweşîna ew bi rojênda îdarêya bol finîy bi xeyrdê şîyayîşdê cîya pîya lezzetêndo manewîya kesîrê dano qezenc kerdiş, şikê na nêweşînda îdarê û peynîda ci bi û vaji ‘’qey no jî ravêreno ya Hû’’ ew herûnda lebayeni di şukur biki

[1] Binvaje: Orjînaldê ci di Ustda vano ‘’ “heşt-new serrîyo’’. Laberê Dimilî di no bîçim vatiş çinîyo, cora mi herûnda ê vatişî qando ki tey vêşîkerdiş çinêbo, mi va ‘’ “Hewt-“heşt serrî’’yo. Açarnok: Şaban ŞENATEŞ.

[2] Dej: Tewatiş, elem. Tirkî di vanê ‘’ağrı, elem, acı’’.

[3] Lebayeni: Bol gazincîyayeni, vêşî gerre kereni, nê”hewîyayeni. Bi Tirkî ‘’çok yakınmak, ızdırap derecesinde şikayet etmek, bir şeyin illa ki izalesini hahişkarane istemek’’.

[4] Şikê dûmdê ravêdî bi: Geçmiş zamanı(ömrü) düşün.

Zeliqokîy :zazaki ,

Şîrove Biki:

Name û peyname
Edresê e- postay
Şîroveyê to:

Şîrovey:

şaban şenateş
07 Aralık 2014 - 13:59

‘Heta ki ê nimroyê binvajeyan mîyanra nêvijîyê û ser nêkewê, zerrîya kesî honik nêbena. Recebo bira, gereg ti jî xwu newe kerê, sîtey aver kerê.

reqlamê maldanan

nûşteyê ki ci manenê

MEKTUBA DIWÊSINI RA

MEKTUBA DIWÊSINI RA * Birarê minê ‘ezîzî, ……… PERSA ŞIMA YA SIFTEKÊNI: Ḥîkmetê ci çî yo ke Hezretê Adem (‘e.s.) Cenet ra ameyo

Mektûba Vîst û Newî (4)

NUKTEYA ÇE′HARÎ NUKTEYA ÇEHARÎ Vajerda Vîst û Pancî di îspat bîyo ki açarnayîş[1]ê Qur’andê Hekîmîyo heqîqî qebûl nêbeno. Hem,

MEKTÛBA VÎST Û NEWÎ(3)

NUKTEYA HÎRÊY Xurûfê Muqata′ay[1]ê ki seredê sûran dê, hergi jewênda ci şîfreyêndo îlahî yo; ′evdandê xwuyê xasan rê îşaretêndo


Hit Counter provided by laptop reviews