risalê nur(10)

DERMANÊ JONDESÎ: Hey nêweşo birao bêsebir! Çendiki nêweşîna toya torê qe’hr û qotik û dejêndo ‘hazir dana jî, peynî nêweşîna toya verêna ki şîya, aya torê bi şîyayîşdê xwuya tamêndo manewî ew bi sewabdê xwuya jî lezzetêndo rûhanî dana. Ewroya tepîya, beno ki na se’hata tepîya a nêweşîni çinîya. Cora helbet ki a nêweşînda çinêbîyayêra qe’hr û qotik û dej jî çîyo. Ki qe’hr û qotik û dej çinêbo, xwura ‘hîs û tesîr jî çinêbeno. Qando ki tîyê bîlaheq û bîlasebeb kuşkuşên¹ê, cora bêsebreya yena meydan. Çiki ewroya tepîya senîn ki wextê nêweşînda toya maddî şîyo, winî jî qe’hr û qotik û dejê ci jî pey şîyo; peynîra sewab û tamê şîyayîşdê ci mendo. Eger ti ney qezenc nêvînê û pey şa nêbê ew tew şikê a nêweşînda ravêrdê bê û pa xwu qe’hrî kerê, ti benê dîwane û kewnê agemî. Rojê ki do bêrê, hewna nêameyê. Bi şikdê rojan û nêweşînan û qe’hr û qotik û dejandê çinêbîyayana xwu qe’hr kerdeni ew qewetê xwuyê sebrî û ‘hewîni qedînayeni eger ki xîntey û dîwaneyey nîya yan çiçîya?

Madamo ki nêweşînê verê na se’hati, kesîrê tam û kêfên danê ew kesî şa kenê; fina madamo ki na se’hata tepîya zeman û nêweşînîy ew qe’hr û qotik û derd nimiteo û oyo nêaseno, ti jî qewetê sebrî û ‘hewîna ki Cenabê Ellah’î daya to, ata nata tinê mebi ew bîlaheq û bîlasebeb xerc meki, înan na se’hatirê serf ki ew vaji ‘’Ya Sebûr’’ û xwuver bidi.

[1] Wehîm kerdeni, weswese kerdeni.

tadok:Şaban ŞENATEŞ