Rîsaleyên Nêweşan ra

DERMANÊ PANCÊSÎ: Hey nêweşo ki ax û wax keno! Mewnî asayîşdê nêweşînida xwura û ax meki, bewnî me’hnedê cira û vaji ox. Eger me’hneyê nêweşîni çîyêndo weş nêbîyayê, Xalikê Re’hîmî ‘evdandê xwuyê tewrê raveyanrê ‘hendayên nêweşînîy nêdayê. Haybûkî ‘Hadîsê Şerîfan di esto, vano:

  (ew kema qal) Yanê ‘’Ê ki en vêşîl mûsîbetîy û çetiney yena ci ‘seredi, însanan mîyan di tewrê rind û kamîlê cîyê.’’[1] Sifte ‘Hezretî Eyyûb ‘aleyhîsselamî, enbîyayan, dima ewlîyayan ew dima jî salîhînan pêrini nêweşînê ki ameyê ci ‘seredi, bi nezerdê îbadetdê xalîsîya winîyayê pra, nê nêweşînîy bi şikildê xelatênda re’hmanîyaya vînayê û bi babeta bi sebra şukur kerdo. Nê nêweşînîy, ’emeletê cerrahîyê ki bi şikildê re’hmetdê Xalikdê înanê Ra’hîmî’ra yenê, winî vînayê.

Ti, hey nêweşo ki dano xwuro û bermeno! Eger ti jî qayîlê nê qefledê nûranî mîyan kewê, bi sebra şukur ki. Ki ti bibelayê, ê do qefledê xwu mîyan nêkerê. Wexta ti do çalida ğefletkaran mîyan kewê û rayênda tarîra şirê.

Belê, tayên nêweşînîy estê ki, eger peynîya ci merg bo, kes beno şehîdo manewî û zeki babetên şerbetdê şehadetîya kes reseno derağdê welîyey.[2] Mersela, nêweşo ki mergê ci bi nêweşînanda qeçardişî[3] û jandê pîzî û fetisîyayîş û veşayîş û taûnira yeno, beno babetên şehîdêndo manewî. Fina zêdê nînan, xeylên nêweşînê bimbarekîy estê ki, kesîrê dereceyê welayetî bi megîya anê. Hem qando ki nêweşînîy eşqê kesîyê dinyay û hîlbdareya kesîya dinyay[4] kemênenê, cao ki ehlê dinyayrê abirrîyayîşê nê dinyay epey çetin û ‘ar bo, no ‘hal, nê nêweşanrê beno gengaz.

[1] Bw. Buharî, Merda: 3; Tîrmîzî, Zuhd: 57, Darîmî, Rîkak: 67, Musned, 1/172, 174, 180, 185; 6/369.

[2] Buharî, Tib: 30-31

[3] Sebebê qezenc kerdişdê şehîdeyda na nêweşîna manewî, ‘hetanî çewres rojîyê nao ki ‘’çewresiney’’do.

[4] hîldareya kesîya dinyay: Kişinin dünya ile olan ilişkisi, alakası.

tadok:Şaban ŞENATEŞ