ROBOSKÎ

ROBOSKÎ

 
Ser:2011
Meng:Kanûn
Roj:Şeme

Demser:Zimistan
Ca:Mezrabotan
Welatê bêqedr û bêqîmetân

Jew nê! Didi nê!
Hîris û çihar însanîy kişîyay
hîris û çihar çilay peysay
Dest û lingîy kewtîy têmîyan

Bi fîlandê xwuya yenê zey Ebrehan
Adir kewt hîrs û çihar keyân!
Hîris û çihar qesbân!
Wahîrûjdan û mer’hemetkârân

No ê çendîyo!
Ê çendîyo!
Adir kewt ma pêrin qesbân

Aqil tepêşîya
Ziwan gêrîya
Ka
Mado sevajê
Bi kamcîn ziwanîya/Senîn bilornê
Bi kamcîn çimana/Senîn bibermê
Bi kamcîn zerîya/Senîn şîn tepêşê

“Qandê kamcîn qebe’hetîya kişîyay”
Ki;
Ambulansên vêşî dîneyê
Kelamênda kîbari fekanra nêvijîyê
Bêwihêrey marê!
Bêsihûdey marê!
Weli marê!

Qeçekî bî
Genc û ciwanî bî
Zey zerecana perayê
Serê xeti/Binê xeti
Kesêndo xerîb çinêbî
A het û na heti
Lew nana pa
a gişta bi kelîme-î şehadeti!

Bi qatir û tampêrana
Zey kolî û mertaganan
Eştî pêser biqê’hr û qotikanân
Ti kotîdê mucahîdê Filîstînîyan!
Çimanê xwu ak!
bewn çoşmedê xwura!
Tîyadi name virnayo Benî Îsraîlîyan! 

Ö.Faruk ÇETİNKAPLAN