WA PÎYÊ ŞİMA AŞT Dİ FESADEYA Mİ NÊKERO HA!

WA PÎYÊ ŞİMA AŞT Dİ FESADEYA  Mİ  NÊKERO HA!

Kalên sekerati di beno.  Qeç û qûlê ci, çoşmedê cidi roniştê emrê Ellay pawenê. De brazayê kalî  ‘Ebdulqadir jî a gami yeno roşeno, persê weşganeya dedê xwu keno. Brazayan ra ‘Ebdulqadir jî bol kuşatkârêndo meşhûro.

Pîyê ‘Ebdulqadirî jî hana dewida xwudi benê wefat keno. Bahdê mergdê pêrdê xwu dewidi, hebê ezbetan ra rîyê re’hetey nêvînenê, warzenê dewa xwu bi belaşeya roşenê ew yenê Wêranşar.

Fekê ‘Ebdulqadirî nêvindeno vano: “La dedzayêna! Pêrdê xwurê vajê! Wa aşt di fesadeya mi nêkero ha! Wa nêvajo ‘Ebdulqadirî dewi bibelaşeya rota ew ma ameyê sûki! Dezay jî warzenê vejenê teber ew vanê: Ma pîyê ma fesado! Ti senî  pêrdê marê vanê fesad! Ew mirdî danê piro û no firto firto remeno vera keye, raştê birayê xwuyê Eyoy yeno. Eyo vano: La tîyê kotîra yenê? ‘Ebdulqadir jî vano: Dedo merdo, eza wijara yena. Dezayan va: Wa Eyo torzînê xwu bigîro bêro, qandê aw germkerdîşîya hebê kolîyan bişikino.

Eyo jî saf saf torzînê xwu keyera geno ew kewno ray, şino kê dedê xwu. Dedzay hewnenê ki brayê ‘Ebdulqadiryo tewrdê torzînîya oyo senîn lez yeno! Vanê: Willi Eyo yo yeno ‘heyfê ‘Ebdulqadirî bigîro. Hima cadi xwu erzenê Eyoy ser, torzînî cira genê, tayn meliqnenê tepîya, Eyo vano. Le la xeyro şima, şimayê sekenê, çirê danê miro? Dedzay jî benê sakîn, hewnenê ki hay û baya Eyoy çiyêra çinîya tepîya, fahm kenê ki ‘Ebdulqadirî, brayê xwu Eyoyî rê jî fenî kerdê.

Bahdo Eyo yeno keye vano. Le la ma ‘Ebdulqadir! To çi ro mi hinî kerd?

‘Ebdulqadir jî nermek nermek, tew xwu nêtewneno vano: Mi kotekîy werdîy! Ê tayn jî ti bûri ma sebîyo!!!

Faruk Çetinkaplan