Roşnayî ya Risaleyî Nûrî Dimilî Ser o Akewt

Ana Sayfa » Edebîyato Newe » Eseran sero » Roşnayî ya Risaleyî Nûrî Dimilî Ser o Akewt
Paraki
dûrik : 10 Nisan 2014 - 16:16

48454

 
Roşnayî ya Risaleyî Nûrî  Dimilî  Ser o Akewt 

Çehar kitabê risaley tadeyayî Dimilî Ser:

    Bi namedê Rîsaleyê Îxlasî û  Rîsaleya Nêweşan û Mucîzeyê Ehmedîye ew Rîsaleya Birarîye çehar kitabî açaryay Dimilî ser.Nê kitaban ra hîre tenê/hebê ci Rîsaleyê Îxlasî û  Rîsaleya Nêweşan û  Rîsaleya Birarîye  destê Serdar Bedirxani ya Mucîzeyê Ehmedîye jî destê Mehmet Yerginî ya tadeya yo dimilî ser.Raşnûştişê ci  di jî  WK Merdimîn û Ehmet Kirkanî a girweyayê.Nê kitabî hem poxda dini ra hem ji poxda edebîyatî ra qandê Dimilî û Dimilîyan bol mihîmê.

1) Rîsaleyê Îxlasî

Tadayişi ra leteyê wina yo:

“Ganî amelê şima de rizaya îlahî bibo. Eke O razî bo, dinya pêro biheredîyo ehemîyetê xo çin o. Eke O qebul biko, şar pêro red biko tesîrê xo çin o. Gama ke O razî bo û qebul biko, eke biwazo, hîkmetê ey layîq bivîno, şima qayîlê waştene nêbî zî (şima qayîl nêbî biwazî zî) bi şarî dano qebulkerdiş, înan zî keno razî. Coka, nê xizmetî de ganî rasterast tenya rizaya Cenabê Heqî meqsado bingeyên bo.”

2) Rîsaleya Nêweşan

Tadayişi ra leteyê wina yo:

“Ey nêweşo bêçare! Meraq eki, sebir biki. Nêweşîya to to rê derd nîya, hatiki yew bêj derman a. Çunke, ‘emr yew sermaye yo, şino. Eke meyweyê ey nêrî çînayîş, zayî’ beno. Hem eke rehetey û xeflet de bo, zaf rew şino. Nêweşey, no ‘emro ke sermayeyê to yo, bi qezenco xişn ra meywedar kena. Hem nêverdena ke ‘emrê to rew vîyaro, pawena, derg kena heta ke meywe bido, dima veradana wa şîro. Ha yo, na qala vengdaya, semedo ke nêweşey reyra dergbîyayîşê ‘emrî nîşan dana, sey vateyê verînan her dem ziwanî ser o ya: ‘Wextê mûsîbetî zaf derg o, la wextê şadîye gelêk kilm o.’”

 

 

 

3) Vateyê Qijekî

Tadayişi ra leteyê wina yo:

“Însan zeîf o, belayê xo bol î. Xizan o, îhtîyacê xo bêhûmar î. Eciz o, barê cuye milê ey ser o bol giran o. Eke paşta xo nêşano Qadirê Zulcelalî, tewekul û bawerîya xo bi ey nêaro, teslîmê ey nêbo, wijdanê ey do tim ezab de bimano. Gurîyayîşê bênetîceyî, zehmet û xem û kederê beyhudeyî ey fetisnenî. Yan ey kenî serxoş yan zî cinawir.”

4) Rîsaleya Birarîye

Tadayişi ra leteyê wina yo:

“Wextê vejîyayîş û hêrîşkerdişê dişmenanê teberan de xovîrrakerdiş û fektiraveradayîşê ‘edawetanê daxîlîyan yew mesleheto îctîmaî yo ke qewmê tewr wehşî zî nê dustûrî teqdîr kenî û pê ‘emel kenî. Wextê bîyayîşê dişmenanê bêhed û bêhesaban de, ke pêpey ra wazîyetê hêrîşî de yî, êyê ke cematanê îslamî rê dawayê xizmetî kenî, se bîyo înan ke ‘edawetê xoyê qijkekan xo vîr ra nêkenî, hêrîşê dişmenanê xo rê zemîn hedirnenî. Na rewşe yew îskutey a, yew wehşet o, cuya îctîmaî ya îslamîyetî rê yew xîyanet o.”

5) Mucîzeyê Ehmedîye

Tadayişi ra leteyê wina yo:

“Sere de Buxarî û Muslîm, kitabê sehîhî, Hezretî Îmran Îbnî Huseyn ra xebere danî ke: Îmran vano, “Seferêk de, ma Resûlê Ekrem ‘eleyhîsselatu wesselamî dir pîya teyşan mendî. Min û ‘Elî rê ferman kerd: ‘Filan mewqî de, yew cenîke, di metereyî ro heywanî bar kerdo şona. Aye bigîrî biyarî tîya.’ Ez û ‘Elî, ma pîya şîy; eynî ca de, ma cenîke barê aye reyde dî, arde. Dima emir kerd: ‘Biney awe veng bikî yew firaqe.’ Ma veng kerde. Bi bereket dua kerd. Dima hewna ma a awe dekerde metereyo ke ey heywanî ser o bî. Ferman kerd ke: ‘Wa her kes bêro firaqa xo pirr bikero.’ Qafîle pêro ame, firaqê xo dekerdî, hemîn şimite.”

çime:www.zazaki.net

Adresa Waştişî:

Zehra Yayıncılık San. ve Tic. Ltd. Şti

Adrese: İskenderpaşa Mah. Açıklar Sok. No: 1/3 Fatih / İstanbul

Rotiş: 0212 549 65 70 – 0212 549 65 70

Telefon: 0212 635 47 24 – 0212 635 47 24

Keyepel: http://www.zehra.com.tr

E-mail: zehrayayincilik@yahoo.com

Zeliqokîy :zazaki

Şîrove Biki:

Name û peyname
Edresê e- postay
Şîroveyê to:

Şîrovey:

şaban şenatei
10 Nisan 2014 - 21:55

Mi çim çarna bi ci, xeylên kemaney tey estê. Înşaallah û re’hman hewna jî do aver şiro. Recebo bira to jî Rîsaleyê Nêweşan açarna bî, ê to nînan kemerî nêbî. Kaşka to vinî nêkerdayê.

reqlamê maldanan

nûşteyê ki ci manenê

Şaban Şenateş : Paştiyên bidê mi, ez şena 150 hezariy kelîma arêda

Şaban Şenateş : Paştiyên bidê mi, ez şena 150 hezariy kelîma arêda Şenataş vîstê serra zaf ke ha ser o Kirdkîya/Dimilîya xebetino. Ferhengêk

Kozik ra Hanga Weşbestan(Şîîran) û Heqdê Dimlî di panel

Komela Ziwanê Kurdî(kozik)   7 lisan û 8 lisan di” hanga weşbestan” û babeta ”verî û nika û verniya dimilî” di do panelê


Hit Counter provided by laptop reviews