XUTBEYA XATiRWAŞTİŞÎ

XUTBEYA XATiRWAŞTİŞÎ

Faruk ÇETİNKAPLAN

Nîmgirawa ‘Erebîstan’î di, Îslameteyi heme cayandê cira vila bîya, Fet’hê Mekke’y serra jî serrên ravêrda. Resûlullah (a.s.m), a serri musulmanan pêrini qandê ‘heccî  dawetê Mekke’y keno. Na daweti serra des hezarî musulmanîy şinê Mekke. No, serkewtişê Îslamî bî.

Xatirwaştişê Heccî di,Pêxemberê ma (a.s.m) ayata ki newe wa’hîy bîya, Sûre-î Maîde’ra ayata ê 3’ini waneno. “Ewro,  qandê şima mi dînê xwu kemilna/temam kerd. Mi nîmetê xwu şima sero temam kerd ew qandê şima mi dînê Îslamî weçîna.”(Maîde-3)

Pêxemberê ma (a.s.m), ‘heccê xwu temam keno tepîya musulmamananrê xutbeyên dano. Bahdo, musulmanîy na xutbarê  vane “Xutbeya Xatirwaştişî”.  Na xutba di, şert û şûrtê Îslamî ew  qaîdeyê coyê millet û cemhetî ano ziwan. ‘Helal û ‘heramî newedera ano vîr dê musulmanan. Faîz û gûnî rijnayeni hewadeyena. Musulmanîy pêro jewê ew geresk pêya beste bê. Musulmanan pêrinira qandê teblîğ dê xwu şahîdey wazeno.

Pêxemberê ma (a.s.m)na xutbeya xwuya ew Sûreya Maîdeya 3’ina wa’hyê Îslamî temam beno. Pêxemberê ma (a.s.m) na xutbeya xwuya  Qur’an û Sunnetê xwu  musulmamanrê keno rehber. Musulmanîy heta ki nê hurdin çimeyan ra dûrî nêkewê do raya xwu şaş nêkero.