RîSALEYÊ REMEZANÎ(5)

NUKTEYA PANCÎ   

Kişta nefsî ra, rojeyê Remezanî, terbîye kerdişê exlaqî û livandê serkeşan ra fek verdayeni di xeylên ′hîkmetandê ci ra ′hîkmetêndê ci no yo ki;

Nefso însanî, bi ğefleta, xwu çiman ver ra keno vinî û şino kesî vîra. ′Ecz û feqrê xwuyê bê′hed û bê′hesabî ew eger û qusûranê xwuyê bêpeynîyan nêvîneno û qayîl nîyo ci ra biaso. Hem şik nêbeno ki çendên ze′hîfo, gîrîfdarê mûsîbetano, goşt û ganêndê cêserkewtişî û xerpîyayîşî ra peyda bîyo û oyo vera çinêbîyayîşî şino. Vano beno ki ganêndê polatî ra vrazîyao û do bêmergane ′heta bi ′heta bicoyo. Cora wina erzêno bi dinyao ew xwu bi hergi çîdê    ne′hfetdarî û tamweşîyo grêdano. Hem Xalikê cîyo ki ci bi şefqatêndo raveya terbîye keno, Ey keno xwu vîra. Hem şikê netîcedê ′heyat û axretda xwu nêbeno; exlaqdê xrabî mîyan di meqle beno û şino.

Îşte,  rojeyê Remezandê Şerîfî ğafîl û ′eynadandê tewrê raveyan rê ze′af û ′ecz û feqrê ci nano ci çiman vera. Bi veyşaneya pîzeyê ci ano ci vîrî; pey îhtîyacê mîdedê xwu fe′hm keno.

Fe′hm keno ki ganê cîyo ze′hîf çendên çirûgo. Fina fe′hm keno ki çendên mi′htacê mer′hemetî û şefqatî yo. Bi no hewaya fîr′ewneya nefsî verradano û bi ′ezc û feqrêndo raveya deha qayîlo xwu bierzo dergahdê îlahî ew bi destdê şukrêndo manewîyo îlahîya xwu cendişdê kîberdê rehmetî rê tûj û hadire keno. Nara ki ğefletî zerrîya ci têtewr nêxerpnaya.

tadok:Şaban Şenateş