RÎSALEYÊ REMEZANÎ(7)

Ana Sayfa » Edebîyato dînî » Rîsaleyê Nûr » RÎSALEYÊ REMEZANÎ(7)
Paraki
dûrik : 18 Haziran 2016 - 12:59

184770

NUKTEYA ′HEWTÎ

Rojeyê Remezanî, benîadamo ki dinya di bi rencberey[1] û bazirganey[2]a qandê qezenckerdişdê axreti ameo ew oyo pey debirêno, na heti ra xeylên ′hîkmetandê ci ra ′hîkmetêndê jî no yo ki;

Sewabê ′emelan, rojedê Remezandê Şerîfî di jewî rê des o. Qur’anê ′Hekîmî di bi nassê ′hadîsîya vajêno; sewabê hergi ′herfên deso ki, ci rê des xeyrîy ′hesibênê; ê jî des meywanê cennetî qezenc kenê. Laberê Remezandê Şerîfî di hergi ′herfên rê des sewabîy nê, (beno ki) ′hezar sewabîy; ew zêdê Ayata Kursî rê, hergi ayati rê bi ′hezarana sewab; ew rojandê îneyandê Remezanî rê nînan serra sewab deyêno. Ew şewnimazdê Leyletul Qedrî di jî tew hîris ′hezar sewab ′hesibêno. Belê, Qur’ano ′Hekîmo ki hergi ayata ci wina hîris ′hezarîy meyweo baqî dana, winî beno darênda tûbaya ′hezarşağa nûranî ki, bi mîlyonana ê meywanê baqîyan mu’mînan rê rojedê Remezanî di dano qezenckerdiş. Îşte, bêrî, bewnî nê alvêrdê qudsîyê ebedî û qezencdarî ra û temaşe biki ew şik bi ki, keso ki qedr û qîmetê nê ′hurûf[3]an nêzano, çend û çend zirar do? Fe′hm biki.

Îşte, Remezano Şerîf, qandê alvêrdê axreti, bi babetêna mojîngeh[4]ên û  bazarêndo qezencdar; qandê meğel û belate grotişî epey cayêndo meywedar û qezenckar o. Ew qandê ajrodayîşî, yağerê wesarê mengida Lîsan o. Saltanatdê rubûbîyetdê îlahî vero, qandê ravêrdişêndê resmî, roşanêndo virsîyaye[5]o wennûs[6] o. Ew qando ki wina o, qando ki nefs bi nan û wera, bi ğefleta, qandê îhtîyacandê xwu nêkewo ′haldo ′heywanî û kar û gurwedê malayanî[7] mîyan, ew qando ki ′heweskarane nêbo êsîrê ′hewesandê xwuye nefsanîyan, bi rojîya bîyo mukellef. Ze ki bi îdareya bo jî, bi rojîya merdim ′heywanîyey ra vijêno û wesfê melaîkeyîni qezenc keno yan jî kewno alvêrdê axreti ser ew îhtîyacanê xwuyê nadinî bi îdareya bo jî terikneno ew kewno ′haletêndê rihêndê cîsmanî mîyan û bi babetêna samedanîyetî rê wezîfedareya lîlikî vîneno.

Belê, Remezano Şerîf, nadinîda fanî di, gûndê fanî mîyan di ew ′heyatêndê kilmekî di, gûnêndê baqî û ′heyatêndê dergê ebedî rê mazûbaney keno û înan kesî rê dano qezenckerdiş. Belê, Remezanên tenîya, şeno ′emrêndo ′heştay serreo meywedar kesî dest fîno. Qandê nê sirrî, şewa Leyletul Qedrî, bi nassdê Qur’anî’ya tam ca da û delînêndo qet′î û bêgumano ki, vano; Na şewi, ′hezar mengi xeyrêrî û raveyêrî ya.

Belê, to dî, padîşayên wextdê saltanatdê xwu di, beno ki hergi serri, yan bi namedê culûsdê humayûnî[8]ya, yaxût qandê saltanatdê xwu, bi namedê şênemegînakîyêndo raveya tayên rojan şardê xwu rê keno roşan. Na roji di, hemwelatîyandê xwu rê bi wesfêndê qanûnandê umûmîyana nê, beno ki înan bi îhsanêndo xusûsîya, bêperde gîno ′huzûrdê xwu ew qewma xwuya bendekari[9] raştan raşt, qando ki îcrratdê cirê wezîfedareya lîlikey bivînê, bi tekellûfên û îltîfatêndo xusûsîya, ci rê keremkarey keno. ′Eynî bi no babeta jî, sultanê ezel û ebedî, Padîşahê nê ′heştês ′hezarî ′alemanê Zulcelalî, fermanê xwuyo ′ezîmûşşano ki winîno rîdê nê ′heştês ′hezarî ′aleman û qîfê ci anceno xwu ser jî na mengida Remezanî di ronao. Helbet ki no Remezan do wesfêndê roşanêndê îlahîyê xusûsî û mojîngehêndê rabbanî ew meclîsêndê rûhanî wegîro xwu ser û ′hîkmetê ci biqewimno. Madamo ki Remezan o roşan o, helbet ki qando ki însan mijûlîyayîşdê ′heywanî û payenizm[10]î ra nata bo, roje do emir bo. Ew raveyê ê rojî jî, zêdê mîdî ′hîss û azayandê ganî pêrini rê; çiman rê, goşan rê, qelbî rê, ′heyalî û fîkrî rê bi şiklêna roje tepiştiş dayîş o. Yanê ′heramî û malanîyatî[11] ra bi dûrîvistişa înan sewqê îbadetî kerdiş o. Mesela, zuwanî bi zûran û qeybetî û qisandê ne′hsan û kufrî ra abirnayîşa ci rê roje tepiştiş dayîş; ê zuwanî bi tîlawetdê Qur’anî û zîkr û tizbey antiş û selawat û îstîğfara meşgûl kerdeni; mesela çiman winîyayîşdê name′hremî ra, goşan aşnawitişdê vengandê xraban ra abirnayeni, çiman dersi grotişî rê, goşan zêdê goşdareykerdişdê Qur’anî, veng û vatişandê heqan rê texsîs kerdeni, zêdê nînan, ′hîss û azayandê ganîdê bînan rê jî bi no babeta roje tepiştiş dayîş waştiş û merama Ellahî ya. Xwura qando ki mîde palokeyêndo tewro gird û ravey o, eger kes bişo bi rojîya ey werd û şimî ra biaresn[12]o, dezgeyê bînîyê werdî bi gengazeya şenê besteyê ci bê.

[1] Rencberey: Citêrey. Diligo ki bi ′erdî ramitişa qezenc beno.

[2] Tîcaret, alvêr, bazarganey, bezîrganey.

[3] ′Hurûfîy: ′Herfîy. Îlmo ki Qur’andê Kerîmî ra te′hsîl beno.

[4] Mojînge/h: Meşher, teşhîrge/h. Cayê motenda çîyandê tîcaretî.

[5] Virsîyaye: Birriqîyaye.

[6] Wennûs: Qudsî, bimbarek, bimbarekîn.

[7] Malayanî: Kar û gurweo ki bîlaheq û bîlasebeb beno, nehfê ci ercîyaye nîyo, nêercêno ki kes pey ′eware bo û bimijûlîyo.

[8] Culûsê humayûnî: Textî ser kewtişê ′hukimdaran. Roja ′hukimadarana xusûsîya ki, qandê textî ser kewtişî ew bi şênemegîya roneyaya. Na roji di ′hukimdarîy şardê xwu rê xelatîy danê.

[9] Bendekar/i: Sadiq/i. Keso/a ki bendeo/êya kesêno/a, cirê xayîney nêkeno/a, raştan raşt besteyê ci yo/ya.

[10] Çîyo ki, keso ki payeyê ci, dereceyê ci, qîmetê ci kemî yo, nizm o.

[11] Çîyo negerego ki kedişdê ci kar û qezencên çinîyo, laberê zirar û zîyan esto.

[12] Aresnayeni: Cirê te′htîl kerdeni, ci te′htîl rişteni, qandê ′edizî groteni ci kenarêno vindarnayeni.

tadok:ŞabanŞENATEŞ

Zeliqokîy :zazaki

Şîrove Biki:

Name û peyname
Edresê e- postay
Şîroveyê to:

reqlamê maldanan

nûşteyê ki ci manenê

189352
Mektûba Vîst û Newî (4)

NUKTEYA ÇE′HARÎ NUKTEYA ÇEHARÎ Vajerda Vîst û Pancî di îspat bîyo ki açarnayîş[1]ê Qur’andê Hekîmîyo heqîqî qebûl nêbeno. Hem,

elif-lamm
MEKTÛBA VÎST Û NEWÎ(3)

NUKTEYA HÎRÊY Xurûfê Muqata′ay[1]ê ki seredê sûran dê, hergi jewênda ci şîfreyêndo îlahî yo; ′evdandê xwuyê xasan rê îşaretêndo

gezegen
MEKTÛBA VÎST Û NEWÎ (2)

NUKTEYA DİDİY: Cenabê Heqî Qur’andê Kerîmî di bol çîyan sero sond werdo. Sondandê Qur’andê Kerîmî di bol nuktey û nimîy est ê. Mesela,


Hit Counter provided by laptop reviews