RÎSALÊ REMEZANÎ(4)

NUKTEYA ÇE′HARÎ

Kişta terbîyedê nefsî ra, xeylên ′hîkmetandê rojedê Remezanî ra ′hîkmetên jî no yo ki;

Nefs, qayîlo serbest û ′hurr biaso ew xwu winî jî vînêno. ′Hetta zerrî ra qayîlo xwu di rubûbîyetêndo çinêbîyaye û livêndo başnewekîl bivîno. Qayîl nîyo bifikirîyo û bêro ci vîrî ki, oyo bi ne′hmetandê bê′hed û bê′hesabana terbîye beno. Bi xusûsa, eger dinya di serwet û qewetê ci jî bibo ew eger ki ğefletî ra paştî û yardim jî groto, ne′hmetanê îlahîyan, dewarkî, zêdê zorbayana, zêdê xirxizana pêrini dalîstok keno û rişeno cêr. Îşte rojedê Remezanî di zengîndê tewrê raveyî ra, ′hettanî feqîrdê tewrê feqîrî, nefsê ′hemini fe′hm keno ki, bixwu wahîr nîyo, kole o; ′hurr nîyo, ′evd o. Eger ci rê emir nêbo, kar û gurweyê tewrê nêercîyayî û gengazî jî nêşeno bikero, ′hetta destê xwu nêşeno dergê awi kero jî. Bi no babeta qedûmê rubûbîyetdê cîyê çinêbîyayî û başnewekîleya ci şikêna ew wesfê ′evdeyda ci û wezîfeyê cîyê şukrîyo heqîqî yeno ci vîrî, aqilêno xwu ser.

Tadok:ŞABAN ŞENATEŞ