RÎSALÊ NÊWEŞAN(9)

Ana Sayfa » Edebîyato dînî » Rîsaleyê Nûr » RÎSALÊ NÊWEŞAN(9)
Paraki
dûrik : 22 Haziran 2016 - 16:50

son

NUKTEYA NEWÎ

Rojeyê Remezandê Şerîfî, raştan raşt kişta şikitişdê rubûbîyetdê nefsdê mewhûmî ra ew bi ′eczê ci motena, heta haydarkerdişdê ubûdîyetî ra, ′hîkmetandê ci ra ′hîkmetêndê ci no yo ki;

Nefs, qayîl nîyo rebbê xwu bi şînasno; fîr′ewinkî bixwu rubûbîyet wazeno. Çendi ki ci rê ′ezab biancîyo jî, tey tamarên manena. La ki, bi veyşaneya a tamari şikêna. Îşte, rojeyê Remezandê Şerîfî, raştan raşt derbi dano rexd[1]ê fîr′ewneyda nefsî ro û şikneno. ′Ecz û feqr û ze′efê ci mojneno bi ci, ci ′evdeyda ci ra keno haydar.

Rîwayetdê hadîsî di est o, vano ki: Cenabê Heqî nefsî rê vato ki, ‘’Ez kam a, ti kam ê?’’ Nefsî vato: ‘’Ez ez a, ti jî ti yê.’’

′Ezab bi ci kerdo, çekerdo cehennem, fina pers kerdo, fina vato: ‘’Ene ene, ente ente.[2]’’ Kamcîn babet ′ezab ki deyao bi ci, fina ezînida xwu ra fek nêverdao.

Dima bi veyşaneya ′ezab deyao bi ci. Yanê veyşan verdeyao. Fina pers kerdo, vato: ‘’Men ene? We ma ente?[3]’’

Wexta, nefsî vato:   اَنْتَ رَبِّى الرَّحِيمُ – وَاَنَا عَبْدُكَ الْعَاجْزُ  Yanê vato: ‘’ Ti Rebbê mino ′Rehîm ê, ez ′evdêndê yo to ′âcîz a.’’

اَللّٰهُمَّ صَلِّ وَسَلِّمْ عَلٰى سَيِّدِنَا مُحَمَّدٍ صَلٰوةً تَكُونُ لَكَ رِضَاۤءً وَلِحَقِّهِ اَدَاۤءً بِعَدَدِ ثَوَابِ حُرُوفِالْقُرْاٰنِ فِى شَهْرِ رَمَضَانِ وَعَلٰۤى اٰلِهِ وَصَحْبِهِ وَسَلِّمْ[4]

سُبْحَانَ رَبِّكَ رَبِّ العِزَّةِ عَمَّا يَصِفُونَ – وَسَلاَمٌ عَلَى الْمُرْسَلِينَ – وَالْحَمْدُ ِللهِ رَبِّ الْعَالَمِينَ اٰمِينَ[5]

                          v v v

                                             Bedîuzzaman Saîd Nûrsî

                                             Tirkî ra açarnok: Şaban ŞENATEŞ

                                                                  

[1] Rex: Cephe

Bexşîn: No Beşê Didiy, qando ki çewres deqqe di, tavilên nûşîyao, fina qando ki ez û katib ma ′hurdina pîya nêweşîy bîyê, helbet ki do tey xiltaney û kemaney bibo. Ez pawena ki wa hembazê ma bi çimdo weşvîna bewnîyê pra. Kotî ki minasîb vînenê, şenê tashîh kerê.

[2] Ez ez a, ti ti yê.

[3] Ez kam a, ti kam ê?

[4] Ya Rebbî (û Ya Îlahî)! Efendîyê ma Mu′hammedî rê, al û se′habandê ci rê, ′hendê amordê ′herfandê Qur’anîyê ki mengida Remezanî di waneyênê, bi şiklo ki do bibo wesîleyê rîzadê to û fina bi şiklo ki heqê Ey do ki ma ser ra werzo, ′hend selat û selam bi ci ki.

[5] Rebbê toyo ki wahîrê girdey û îzzetî yo, pesn û wesfandê înan hewna berzêrî yo. Wa selami pêxemberan ′hemini ro bo. Wa ′hemd, Rebbdê ′aleman rê bo. (Sûreya Saffetî, 180-182)

Zeliqokîy :zazaki

Şîrove Biki:

Name û peyname
Edresê e- postay
Şîroveyê to:

reqlamê maldanan

nûşteyê ki ci manenê

MEKTUBA DIWÊSINI RA

MEKTUBA DIWÊSINI RA * Birarê minê ‘ezîzî, ……… PERSA ŞIMA YA SIFTEKÊNI: Ḥîkmetê ci çî yo ke Hezretê Adem (‘e.s.) Cenet ra ameyo

Mektûba Vîst û Newî (4)

NUKTEYA ÇE′HARÎ NUKTEYA ÇEHARÎ Vajerda Vîst û Pancî di îspat bîyo ki açarnayîş[1]ê Qur’andê Hekîmîyo heqîqî qebûl nêbeno. Hem,

MEKTÛBA VÎST Û NEWÎ(3)

NUKTEYA HÎRÊY Xurûfê Muqata′ay[1]ê ki seredê sûran dê, hergi jewênda ci şîfreyêndo îlahî yo; ′evdandê xwuyê xasan rê îşaretêndo


Hit Counter provided by laptop reviews