etar(3)

A şew  aja di keye dê Emer Begî di  mendî , çaxo ki xeym da Emer begî ra kewtê zerre , kesî tew nêzanayê tîya  mîyanê xeyma ,balişneyê   neqşinî  ze çarweyê ki german ra sere xwo kerdo pê ver ,zeki kemere beden dê diz ze sîyê qedîmî neqişyayey.Erdo şiqi seran ser ravizteyê , tîya nê şîqan sero kamcî xeyalê keynek  nimiteo ecêb,tîrem na keynek resaya hêvan dê xwo , nê şiqan sero wexto ki nê neqşî neqişyayê eceb kamcî dêrî vajyayê ,kes  bi derzînîyê xwo dest kero ew bi keno kes şeno bi reso ê xeyelan ,kes şeno fina ê deran ê vengê  zelalîya goştarey bikero. Cayo ki ê roniştî bî hema ci duşne di resmê qabeyê şerîfî  dardakerde bî,hecîyan çoşmê Qabî tewaf kerdê, ze vengê înan bi kesî goşdi bi zimo ê bi lebbeyk lebek vajê û çoşmê Qabey ra doşbê,çi vazdeyişên do bimbarek ,çi teslîmîyet do pak, çinayên do sipeo pira bê kêlê,kêlê rutbey çinyê nê  çaputî  sero însanî pêro jew derax di jewe  sewîye dê nika.  Emer Begî ca da meymanan dê xwo pa serweşîn kerd

-Min û pîra zî ma şewra şî suk mayê newe yenê.

A gam  wahîra keyî kewt zere jewêna  hunî gird bi  çefîyên da sipê antbî xwo sere sero  şehrêna,şîdikênda da  yaşil zî xwo serî vero girêda bî rîyê pak bî labrê çirçeya pirey zî kewtbî ci rî , Eyşxan xanim vengên do ci yo pir estbî meymanan dê xwo rê va şima xeyr amey bi înan serweşîn kerd ,serweşîna ci nîşan dayê ki  mehzîwanên dê rind,însanên da  henûna asayê .

Emer beg agey ra cinêkerda xwo   marê şamî hadre se bîya meymanê ma veyşanê

Emer begî fina xwo bi xwo va:

emer begê  wihêrê hewt veyvan

 kalikê çewres qedan

wihêrê nê xeyman

bê berdestê  verdê dêsan

Birayê mi kes kesîrê çinyo ,min û na kokima nina zeq fina bîye gencî mayê hezar suxrî vera vazdanê.

Birayêno şimayê kotra yenê kamcî dewra yenê

-Ma dewa dîyarrêz ra yê.

                                                Dewam kero…..