Şînnameyê Qeçekan

Nûta Hîrêy:

Qeçeko ki wefat keno, mexlûq[1]ên û memlûk[2]ên û ‘evdêndê Xaliqêndê Re’hmî’yo. Ew seranser sene’etêndê ci û hembazêndê mar û pêrdê xwuyê Ey’o. Cora bi îdare[3]ya kerdo pawok[4]ê mar û pêri. Mar û pî cirê kerdo xizimkar. Vera nê xizmetî mar û pêrirê şefqatêndo tamweşo verom[5] dao înan.

Nika Xaliqo Re’hîm’o ki ‘hezarra newsey û neway û new wahîrê ‘hussî[6] bo, ew qandê re’hmetî û ‘hîkmetî biqewimî[7]yo, ê qeçekê to to destîra bigîro û peynîya xizmetdê to bîyaro, ti bi ‘hussedê xwuyê zûraîya, wahîrdê ‘hussedê ‘hezardê heqîqî vero ti gerrekar[8] bê, bigazinc[9]îyê, bi feryad û fîgana biqîrrê û îsyankar bê, ma bi şardê îmanî[10]yo robere[11] yeno!? Bene ki bi şardê ğefletî û dalaletî[12]yo robere bêro.

[1] Mexlûq: Deyaye. O ki, çîyo ki Xaliqî dao.

[2] Memlûk: Kole.

[3] Îdare: Çîyo ki fanîyo, wextêndê cîyo bellî esto, ‘heta bi ‘heta nîyo.

[4] Pawok: Keso ki, çîyo ki kesên yan jî çîyên paweno, ci veroyo, xîzmetdê ci do. 

[5] Verom: Çîyo ki, keso ki verêno, tacîl bîyo, gêrîyao vernî, sifte yeno, siftekêney ê eya.

[6] ‘Husse: ‘Hîsse, pari, pay.

[7] Qewimîyayeni: Gereg bîyayeni, îhtîyac bîyayeni, lazim bîyayeni, îktîza bîyayeni.

[8] Gerrekar: Şîkayetkar. O ki gere keno.

[9] Gazinc: Şîkayet, sîtem.

[10] Şarê îmanî: Ehlê îmanî. O ki wahîrê îmanîyo.

[11] Robere: Munasîb, mutenasîb, bi cîyo amîyayeni.

[12] Şarê ğefletî û dalaletî: Şaro ki, keso ki ğefletî î dalaletî mîyan do, raya xwu şaş kerda, kewto rayda çewti, rayda îmanîra vijîyao.

Tadok:Şaban ŞENATEŞ