RÎSALEYÊ REMEZANÎ(6)

Ana Sayfa » Edebîyato dînî » Rîsaleyê Nûr » RÎSALEYÊ REMEZANÎ(6)
Paraki
dûrik : 16 Haziran 2016 - 20:47

cocuklariniza-kurani-ogretin

NUKTEYA ŞEŞÎ

Heta nazîl bîyayîşdê Qur’anê ′Hekîmî û wextdê nazîl bîyayîşdê cîyê tewrê muhîmîya rojeyê Remezanî, bol ′hîkmetandê ci ra ′hîkmetêndê ci jî no yo ki;

Madamo ki Qur’ano ′Hekîm mengida Remezanî di roneyao, kes do ê wextê cîyê ronayîşî xwu çiman verano ew qando ki bişo bi çimdo weşa bewnîyo ê xîtabdê semawî ra, kes do nê Remezandê Şerîfî di nefsî îhtîyacan û fêlandê ′ar û xrab û ′haldo malayanî[1] ra dûrîfîno, bi terkerdişdê werd û şimîyana kes do wesfêndo melaîke bi ci do û bi babetêna ze ki Qur’ano newe rişêno, kes do biwano, goşdarey kero. Ew ê xîtabê îlahî ze ki teze teze keso Resûldê Ekremî(s.′a.s) ra goşdarey keno, kes do goşdarey kero. Eger wina bo, beno ki keso ze ki ′Hezretî Cebraîlî ra, ze ki Mutekellîmê Ezelî[2] ra goşdarey keno, kes do mazharê ′halêndê wennûsî bo. Ew kes do bixwu ci rê tercumaney bikero û ê bînan rê bido goşdarey kerdeni, bi babetêna ′hîkmetê ciyê ronayîşî bimojno.

Belê, Remezandê Şêrîfî di ′alemê Îslamî ze ki kewno wezîyetêndê mescîdên. Winî mescîdên ki, bi mîlyonana hafizîy, ê quncandê a mescîdda ekberi di vengê ê Qur’anî û ê xîtabê semawî resnenê waştokandê xwu û înan pey′hesnenê. Hergi Remezanî di, ayeta

[3]   شَهْرُ رَمَضَانَ الَّذِيَ أُنزِلَ فِيهِ الْقُرْآنُ هُدًى لِّلنَّاسِ وَبَيِّنَاتٍ مِّنَ الْهُدَى وَالْفُرْقَانِ î bi şiklêndo nûranî û bi virsîyayîşa mojnena û îspat kena ki menga Remezanî menga Qur’anî ya. Tayên kesê ê ceme′atdê girdîyê bi xuşûya ê ′hafizan goşdarey kenê, tayêndê cîyê bînîyê xwu bi xwu rê (ê Qur’anê pîrozî) wanenê. Wezîyetêndê mescîdênda wina wennûsi[4] di bi werdiş û şimitişa, bi beste bîyayîşdê ′hewesandê nefsdê xwuyê ne′hsî[5]ya ê wezîyetdê nûranî ra teber vijîyayeni çendi ki ′aro, ew kes şiklêndo manewîya beno hedefê nefretdê ê ceme′atdê a mescîdda wennûsi, ′eynî bi o babeta jî, kesê ki rojedê na mengida Remezanî di hember[6]ê şardê rojeîyan vijênê û ci rê muxalefet kenê, ′eynî bi o babeta, bi şiklêna benê hedefê nefret û te′hkîrey[7]da ′alemdê Îslamîyê manewî.

[1] Malayanî: Çîyo bêne′hfo ki bîlaheq û bîlasebeb kesî ′eware keno, pey mijûlîyayeni di faydeyên çinîyo.

[2] Mutekellîmo Ezelî: Keso ki qisaya cîya zemandê tewrê verî ra aya yena. Wahîrê qiserda tewrê verî. Ellaho ki qisaya cîya verdê^veran ra yena.

[3] Menga ki tey Qur’an roneyao(Sûreya Baqara, 185)

[4] Muqaddes, qudsî

[5] Ne′hs: Pîs, xrab, nepak.

[6] Qarşû: Hember, muxalefet, hember vijîyayeni, qarşî vijîyayeni, tersê çîyên kerdeni.

[7] Te′hkîrey: Wesfê werdîyey û pîsey û xrabey û pijgurrîyey û netebayey.

tadok:Şaban ŞENATEŞ

Zeliqokîy :zazaki

Şîrove Biki:

Name û peyname
Edresê e- postay
Şîroveyê to:

reqlamê maldanan

nûşteyê ki ci manenê

MEKTUBA DIWÊSINI RA

MEKTUBA DIWÊSINI RA * Birarê minê ‘ezîzî, ……… PERSA ŞIMA YA SIFTEKÊNI: Ḥîkmetê ci çî yo ke Hezretê Adem (‘e.s.) Cenet ra ameyo

Mektûba Vîst û Newî (4)

NUKTEYA ÇE′HARÎ NUKTEYA ÇEHARÎ Vajerda Vîst û Pancî di îspat bîyo ki açarnayîş[1]ê Qur’andê Hekîmîyo heqîqî qebûl nêbeno. Hem,

MEKTÛBA VÎST Û NEWÎ(3)

NUKTEYA HÎRÊY Xurûfê Muqata′ay[1]ê ki seredê sûran dê, hergi jewênda ci şîfreyêndo îlahî yo; ′evdandê xwuyê xasan rê îşaretêndo


Hit Counter provided by laptop reviews