Qisê Roşanîyê Berey Mendey

Qisê Roşanîyê  Berey Mendey

   Recep YİĞİTBAY

Vengê şîîran dê Feqiyê Teyranîya mi dest kerd nûştedê  xwo ,  kelimeyê ki bi eşqa pîya besteyê, vengê qedîm zemanî ,vengê zerî da eşqa biya koz û adir .Çax viryayo  bani qesri,dizî, xanî gunayê piro çend misilbey parya mendê o çax ra no çax ew na şîîr a verên menda, qelişta dêsên di nimitê .

Verê ney di rojî bî, ez parqa verdê  beledîya Sêwreg di roniştê bîya, di qeçi amey  des duwês serey bî jewê ci sukij bi o bînê ci ji muhacîr rê Suriyey .Lajekê sukijî dest di şêne  estbî, bi nê baskul dê xwo ya însan setê,lajekê Surîyeyîjî zî parse kerdê, mi vera  ravêr dî, lajekê Surîyeyijî mi ra perey waştî mi hes nêkerd ,ey û embaz xwo ya şî mina  pey ruta roniştî.  Gam na juna diha ame şî inan het ew  qira lajek dê Surîyeyî ji  ser ,qirqir vîr vîr nê veriştê pê , jewî o bîn da ero ,ez verişta ,Surîyeyij tayên qîra şî çop têwda zeq çiyê xwo dest kero xîntey na xwo ya lajek tersana netîce ez zî kewta orte mi kerdî cêra ew o lajeko bîn şî .Fina di embazî mendî.  Lajekê Surîyeyij çinayê xwo motê embaz dê xwo vatê no çinayê min ê roşanîyo û persê roşanî kerdê, bi israra, bi rîsernayena ,sibe di sibe sê sibe,meşt bîro bîntero …. Roşan çi wexto.

Mi  lajek dê Suryeyijê rê va tiyê çirê nê girwênê,va civatayê baskuldê mi vijyayo , baskulê mi cêser kewto,mi senî va parse meki finê ra bî hêrs  va ‘tera çi vira ciyê xwu dê nini,torê çiçî tiya cayê Ellah î nîyo…’

Jew fina însan bi xwo bendî ronano xwo vero ,jewfina qeder kesî fîneno kend û kendalan ,fina qisênda qeçendê mehsumî ame mi virî bombay varay bî ci sero bi teyaran dê xezaban ra , lajeko werdî bi ambulansana resnabî nêweşxane ,çinayê ci pêro gonî di mend bî  lajekê werdî halê xwo kerdbî  xwo vîra û dixtoran rê vatbî  ‘’medirnê çinayê mi  , pîyê mi no çina mirê newe  herînayo .’

Lazimo ki însan jewfin zê qeçekîya  bo ,gamên dê şiro er ra ew çend gamî ruta tîntolikî  xwo ro do…