Roşan

Vizêr bewraqa qedya,ma hewş di kavirê xwo kerdî qurban ,bi xeşîmeya  ma kerd poste , bol cayê postî bi kardiya maya bî egerin , mi vaya ma qesabê xeşîmîbî,dima   bi goştî beşir kerdişa ma kerd êre tayên ma xwo rê verda ma hebê kerd vila,bahdo ma şî mezelan dê xwo ser heyat û merg pîya bî ma sifte şî persê merdan dê xwo kerd ew ma sero yasîn vend ‘emi, kalikî ew merdimê silasnayeyê bînî  . Roja erefe bî mi dukanra kerdê çîyê bi herîno keydê ma cor ra newe dukanê abiyabî,merdeko dukandar serê ci da pancas  asayê,ew  newe amebî mehler da ma o zî newe kewtbî aparmanan dê kovîyan ,yazî aparmanijan dê kovîyan mîyan mêrdek lebeyayê vatê tew belî nîyo meşt roşano, nîşanê roşanî nê aseno, persa ci bî  venganê qeça kemî bî, zê mehlandê sukê cêrênan  qeça tîntilotîkî nê dayê xwo ro, nê mehlandê newan di ma ehlaq virna bî  embiriyaney kerdbî xwo vîra,e ma zêdê verî  embîranan dê xwoya qisey nê verdayê pê ,e zê verî  verî ma piya lej zî nê kerdê ,labrê ma pîya roşanan di goven di zî nêgirêdayê çik ma bîbî kovî, e ma bîbî kovî ,ez  zî remeya  keydê xwo ra hem bi kovîyeya hem bi kovîyeyda xwo ra  mi zî  ewro şefeqê  qeçî verdayê keydê vistewran û ez ameya kêydê pêran dê xwo verê nimazdê înî çend meymanî amey, ded keyna min û merde ciya dima zî dezadê min û dezacini da min a,bi înana boya roşanî kewtbî keydê ma, şîrineya roşanî .Dima ma biray ew ênişte ma şî nimaz dê înî tebî pîyê mi verê coy şîbî, ageyrayiş ti  ma niştî weseyîtê xwo  ew ma biyê goştaroxê radyoy, sipîker cinêk bî ew roşanê ma kerdê bimbarek ,roşan rojê şenayî rojê hangî, rojê perskerden bî ,dima senî bî qenalê radyoy  virya ew bi vengên do  xemgîn vengê dêrên da derdin  kewt ma mîyan  ew bi mi ki goştareykerdiş dê na dêra ma resay keye.Ez ameya keye û bi dest kerd nuştedê xwo yê roşanî, e roşan hewna nê qedyayo hadê  ma bivijyê keya ra ew vila bê kuçan dê suk mîyan di, zîyaretî bikerê, rîyê ma di huwate bibo,nika payizo engur encîlî bîyê ze hingime ,henarê tirşî zî biyê şîrin hadê roşanî zêna dêrda maya xemgîn  xwo rê çetin û bêtam mekerê…..Heskerdiş ,perskerdiş ew muhebeto şîrin embazê şima bo…