MÛRA SÎYA

Ana Sayfa » Edebîyato Newe » Weşbestey » MÛRA SÎYA
Paraki
dûrik : 11 Haziran 2014 - 5:24

images071NLTIZ

MÛRA SÎYA

-Ka’bî rê-
  I                                                                                                       
                                                            
Neqşê nimazgeyandê ma
Qeçekînda xwura silasnena
Odandê ma di menzerênda qedîm
Xalîdêsan sero ma qarşuwa
Qulbedê odandê maya

Mûra(ya) sîya
Gilîya çimandê  mu’mîna

Kitabî qalê to kenê
Ziwanê ‘hecîyandi ti estê
Heybetê to, zerî dana kê
Zemzemê to şîfa
‘Hacer-ul Eswedîra boya Cennetî yena

Tarîxandi qalê to beno
Qeralê Yemenî Tubba mektûbên  nûşneno Nebîrê
‘Hewt qirnî kewnê per bi per
Eba Eyyûbî ra mektûba xwu wazeno pêxember

Ka’bî rê  pirênê xelat keno Tubba’
Mûra(ya) sîya xwu ‘hadre kena
Qandê Resûlullahî
Pirênê xwu dana xwura
Verê ‘hewtsey ser

Roj yeno
Ka’be newedera virazyeno
‘Hacer-ul Eswedî sero lej kenê ‘eşîrî
Resûlullah kewno mekan
Her çî beno âsân

Mûra(ya) sîya
Roşna çimandê mu’mîna

II.
Verî hewnên vînena
Kêberê to abyeno
Kewna ray
Mu’mînî zey pilpilikî perrenê vera to
Nûrê toz ey rojya çerx beno daim
Mu’mînî  xwu erzenê nûrdê to

Pêlêndo nûranî herikyeno
Her mu’mîn jew pêlê
Jew mojê

Bindê dêstê todi jew pisîngêna
Tebera menda
Geyrena kêberê to
Destveng meaçarni

Mûra(ya) sîya
Roşna çimandê mu’mîna

Heyran heyran temaşedê todê mu’mînî
Ey beyta qedîm 
Ey şahidê Faxr-ul ‘Alemîn

To vero heqaretey bî Nebî rê
Fatîma xwu resnê pêrdê xwu
Hêrsê çima varnay war

Fatîma veşê
Ka’be veşê
‘Hacer-ul Eswed simsîya

Sereyê Ebû  Zerî şikya
Kebaîrî virazyay

Ti
Şahidê însana
Şahidê ‘heme zemana

Rojênda newê akewna
Resûlullah nimaz keno vera to
Gulîy abyenê to dêsandi
Mûra(ya) sîya 
Bextê to bi Nebîya abiya

Mûra(ya) sîya
Mircana jûtenya
Roşna çimandê mu’mîna
                       
Ömer Faruk ÇETİNKAPLAN            
                               
2009-MEKKE

161556157n63

 

Zeliqokîy :zazaki

Şîrove Biki:

Name û peyname
Edresê e- postay
Şîroveyê to:

reqlamê maldanan

nûşteyê ki ci manenê

35169410787652905597012
TEQAWITEY

TEQAWITEY “Însan” vaji Ew çend finî bifikiryi Awadê gayêndo zexelîya Ge xwu dano ‘erdro Ge xeta çewti vrazeno Ge xeta barî Teqawît

indir
ez berîwanên da xaseka

Ez Berîwanên da Xaseka  Recep Yiğitbay ez berîwanên da xaseka bi meşka şina bêrîya verekê  mi virara ez  ey xoya bena danga   ez berîwanên

hakkininhikayesi
EWRO ROŞANO

    EWRO ROŞANO! ROŞANÊ ROJEÎYANO! EWRO ROŞANO! ROŞANÊ NIMAZKARANO! EWRO ROŞANO! ROŞANÊ KAL Û PÎRANO! ROŞANÊ QEÇ Û QÛLANO! EWRO


Hit Counter provided by laptop reviews