‘UMER BÎN HATTAB BENO MUSLUMAN

                         ‘UMER BÎN HATTAB BENO MUSLUMAN

Mekkadi tîjîya Îslameteyi roj bi roj vila bîyê laberê pûtperstan jî zordareya xwu muslumana sero tim û tim zêdnayê. Vila bîyayena Îslameteyidi bol manîî estî bî. Nînanra jew jî  ‘Umer Bîn Hattab bî, bi cesaretdê xwuya sîneyê xwu dayê  dînê tewhîdi ver.  Qandê coy, kiştişê pêxemberdê mare xwu’b xwu qerar dano,  ew kewno ray.  Bi hêrsêna kewno ray ki, pey ‘hesyeno waya ci û zamayê ci jî bîyên musluman.  ‘Hêrsê ci dihana beno vêşî,  waya ci û zamayê ci senî benê musluman?   Ew raya xwu virneno vazdeno vera keyeyê waya xwu. Nezdîdê keyeyîdi vengê wendişê Qur’anî kewno ci goş. Bi ‘hêrsêna kêberî ceneno  kewno zerre ew ê vengî pers keno vano :

  “E, ma bîmi muslumanîy, ew ti jî sekenê biki! Ma dîndê xwura nêageyrenê!”  ‘Umer  nê cesaretîrê ‘heyret maneno ew finêra beno nerm, bahdo jî çîyo ki înan wendê, înanra wazeno. Waya ci jî ê ayetîy ardîy day ci dest. Hz. ‘Umer bindê tesîrê ayatan maneno ew Îslameteyi qebûl keno.  Allah û Teala, Îslameteyi bi ‘Umerîya şideyneno, keno qewî.