ZEWIJYAYENA PÊXEMBERDÊ MA EW QEÇEKÊ CI

ZEWIJYAYENA PÊXEMBERDÊ MA EW QEÇEKÊ CI

KEYEYÊNDO NEWE

     Meysere, derheqê pêxemberê ma di, çiçî vînenase  Xetîcarê jew bi jew vana. Xetîca ewnena ki;pêxemberê ma bi ‘heme ‘haldê xwuya însanêndo  bê’hemtao, cewahîro. Xetîca jî bi Meysereya teklîfê xwuyê zewajî pêxemberdê ma rê rişena. O çağana, Pêxemberê ma  vîst û panj (25), Xetîca jî çewres (40) serrê bena. Teklîfê zewacî, xwu mîyandi bi mişewreyêna qebûl kenê. Hurdina ‘eşîrî, veyveyên vrazenê ew pêxemberê ma, keyedê ap dê xwu ra şino keyedê Hz. Xetîca (r.a) di roşeno. Keyeyêndo newe awan beno.

Dest û diligê Ebû Talibî xeylê beno teng. Qandê coy Pêxemberê ma jî dedzayan dê xwura ‘Elî yî, bi îzin dê Ebû Talibîya geno xwu heti. Zeyd, bi maya xwuya raywaneyên di kişta qaşqûna ra beno esîr, roşyeno, Hz. Xetîca jî Zeydî gena xwu heti tepîya Zeydî dana xizmetê pêxember dê ma. Pêxemberê ma jî zey ewladê xwu hewneno Zeydî ra ew herûna may û pîyê ci jî keno pir. Keye di bê nînan jew jî emanate maya pêxember dê ma Ümmü Eymen jî bi înana manena. Nê keyeyê newî di, Hz. Mu’hemmed (s.e.w), Hz. Xetîca (r.a), Hz. ‘Elî (r.a), Hz. Zeyd (r.a), Meysere ew Ummu Eymen tede coy benê.    

     Bi nê zewacî ya, di lajekîy ew çihar keynekê pêxemberê ma û ê Hz. Xetîca yenê dinya. Qeçê ci yo siftekên Qasim yeno dinya labrê hana piteyda xwudi wefat keno. Keynekê ci; Zeynep, Rûqîye,Ummu Gulsum, ew Fatîma ya. En dima jî Ellah, înarê lajekna dano, nameyê ci kenê ‘Ebdullah. Labrê ‘Ebdullah jî piteyda xwu di wefat keno.  Bê Fatîma, qeçê pêxemberê ma pêro, verdê pêxemberê ma wefat kenê.